ZAWSUA 3:5 - Mara Bible RV (BSI)

⁵ Zawsua ta zawpi hnohta, “A pathai teh u, mylâ Abeipa ta nama hry liata hmonoâhpa a tao aw,” tah ta.

ZAWSUA 3:5 ပူးပေါင်းရင်းမြစ်များ

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

HLAZY 77:15

Na bâh ta na phopi chatlai chi ta, Zakaw nata Zawsi pathlazy na chatlai ha ei. Selah

HLAZY 86:10

Nâ cha rônahpa nata hmonoâh taotuhpa châ chi ta, Nâma deita he Khazohpa na châ.

ZÔELA 2:16

Zawpi awpakhy u la, Apakhypazy pathaihsa teh u; Machâzy awpakhypa ta, Hawtizy pahmaoh u la, Sâhpi a ngiehpa hawsaihzy taihta pahmaoh teh u. Myuhneituhpa ta a chhôhpadâhpa puasai sala, Myuh chhao ta a chhôhpadâhpa puasai mawh sy.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

THEIHTHAINA 20:7

Chavâta a pathai u la, pathaihpa ta y teh u. Kei he Abeipa nama Khazohpa châ tlôh na ta.

MALUHREINA 11:8

Cha cha zawpi ta a huah ei ta, charona liata charopa ta, sôkhaoh liata daih ei ta, cha khai tawhta beih liata chhoh ei ta, viahchhâ ta ama tao. A pahânazie cha viahdie sathaw pahlaopa ta taopa viahchhâ hawhta a châ.

ZAWHÂNA 17:19

Biehmeiseihpa liata pathaisapa ama châ thei nawpa ta, âmo vâta keimasasyh ta ei pathaisa.

ZAWSUA 3:13

Khizaw zydua Abeipa Zehôvâh Byh asytuhpa theihthaipazy pheipazah ta Zawdâh ti a tlypa nahta, machha lâ tawhta Zawdâh chavah ti a zâ lohpazy cha chie pachhôpa ta a toh aw ta, â duah thlâh ha aw,” tah ta.

ZAWSUA 3:15

Sâh hria daihti chhôh zydua ta Zawdâh chavah cha a kao zydua bie khai ha tyh ta. Byh asytuhpazy Zawdâh kei tlô ei ta, Byh asytuhpa theihthaipazy phei ta ngiahkâ ti a tlypa nahta,

ZAWSUA 3:4

Anodeikua nâmo nata Byh likawh liata dy 2,000 rachhôh â hla awpa a châ. Namâ hnia awpa châ vei. Chatanachata nama sie nawpa lâpi cha nama pahno thei aw, kha hlâta he lâpi he a chhih beih tlôh lei khâh ei chi ta,” tah ei ta.

ZAWSUA 3:6

Zawsua ta theihthaipazy hnohta, “Biehrai Byh a sypa ta, zawpi hmia lâta sie u la, Zawdâh chaka teh u,” tah ta. Chatanachata theihthaipazy ta Biehrai Byh cha a sy ei ta, zawpi hmia lâta sie ei ta.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

1 SAMUELA 16:5

Ano ta, “Thlalôhna bie na ei vaw tlôkhei. Abeipa lâta atheihna hlâ awpa ta ei vy. A pathai u la, atheihna hlâna lâ a vy teh u,” tah ta. Zese nata a sawchapawzy cha pathaisa ta, atheihna hlâna liata a hlao awpa ta âmo cha hrua ta.