ZAWSUA 3:15 - Mara Bible RV (BSI)

¹⁵ Sâh hria daihti chhôh zydua ta Zawdâh chavah cha a kao zydua bie khai ha tyh ta. Byh asytuhpazy Zawdâh kei tlô ei ta, Byh asytuhpa theihthaipazy phei ta ngiahkâ ti a tlypa nahta,

ZAWSUA 3:15 ပူးပေါင်းရင်းမြစ်များ

2 ABEIZY 2:6

Elaizâh ta Elaisâh hnohta, “He liata vaw y mah y, ei châ haw na. Kei cha Abeipa ta Zawdâh lâ sie awpa ta eina tuah,” tah ta. Châhrasala ano ta, “Abeipa hrona nata na hrona rei­pa ta ei reih, cha siesai cheita aw va na,” tah ta. Chatanachata ama pano ta sie lymâ ei ta.

1 THÂTIHZYRONA 12:15

Cha sahlao cha thla khana liata Zawdâh chavah a kao zydua a bie khai nota haosâ lâ kiah ei ta, saikao liata a pahrâpa zydua nochhi lâ nata notla lâ a parâpaisa khaipazy kha ama châ.

1 THÂTIHZYRONA 12:16

Benzami nata Zudâh chizy hry tawhta chyhsa thokha ta thokhy liata Dâvi lâ vawh ei ta.

ISAI 26:6

Phei ta khihpi cha tlypâ ta, Dyhchhiepazy phei ta tlypâpa ta y ta, Phahlapazy keih ta tlypâpa ta a y.”

ZEREMIAH 12:5

“Phei ta a siepa chyhsazy ta châ râpasua ei ta, Na tha ama cha pachhâ khiahta cha, Kheihta ma arâzy nâ râpasua thei aw? Abohna râh lia hmahta na pao khiahta cha, Zawdâh sipopa liata khâpa ma na tao aw?

ZEREMIAH 49:19

“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Edômâ chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?

NÂHU 1:4

Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

ZAWSUA 3:13

Khizaw zydua Abeipa Zehôvâh Byh asytuhpa theihthaipazy pheipazah ta Zawdâh ti a tlypa nahta, machha lâ tawhta Zawdâh chavah ti a zâ lohpazy cha chie pachhôpa ta a toh aw ta, â duah thlâh ha aw,” tah ta.

ZAWSUA 4:18

Chatanachata Abeipa Biehrai Byh asytuhpa theihthaipazy cha Zawdâh chavah liah khophie tawhta vaw pua ei ta, theihthaipazy pheipazah ta alei hipa a tlypa nahta, Zawdâh tizy cha a lo tyhpa hawhta za loh heih ta, a bie tyhpa hawhta a kao zydua a bie khai haw.