ZAWSUA 24:6 - Mara Bible RV (BSI)

⁶ Châ pathlatuhpazy Izi râh tawhta a chhi papua ei na ta, tilaipi nama vaw tlô. Izi mo ta talailihzy nata arâ pheisaihzy chhaota châ pathlatuhpazy cha Tilaipi Saihpa taih a vaw chadai ei ta.

ZAWSUA 24:6 ပူးပေါင်းရင်းမြစ်များ

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

HLAZY 78:13

Tilaipi pachhaihpa ta âmo cha pasiesa ta, Tizy toh ta a chalihsa.

PUASAINA 12:37

Izarei sawzy cha Râmese khih tawhta Sukô lâ pangaipa ta sie ei ta, chanô nata hawtizy rei leipa ta, chapaw pitlohpa sai ta 600,000 phei ta ama sie.

PUASAINA 12:51

Chatanachata cha noh lia tlai chata, Abeipa ta Izarei sawzy cha, a py py ta Izi râh tawhta â chhi papua ha ei.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

HEBRAI 11:29

Ngiapâna ta alei hipa liata siepa hawhta Tilaipi Saihpa ama chaka. Izi mo deikua cha, cha hawhta tao a chhuah hra ei ta, ti ta a vaosao khai ha ei.