ZAWSUA 24:22 - Mara Bible RV (BSI)

²² Zawsua ta zawpi hnohta, “Abeipa chakao awpa ta namâ tlyhpa kyh liata pahnokheituhpazy cha nâmosasyh tlai nama châ,” tah ta. Âmo ta, “Pahnokheituhpazy eima châ,” tah ei ta.

ZAWSUA 24:22 ပူးပေါင်းရင်းမြစ်များ

ZAWBÂ 15:6

Kei ta thailei cha pachâ va na; Nâma pakah tlai ta thailei cha pachâ ta, Nâma hmao tlai ta a cha sei.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 119:173

Na pachunazy ei tlyh hapa vâta, Na bao awpa ta na ku khâ a mâ thlâh ha mawh sy.

LUKA 10:42

Hmo miakha deita a byuh. Mâri ta tovyuh phapa a tlyh ta, cha cha lapa awpa châ vei,” tah ta.

LUKA 19:22

Zibeipa ta a hnohta, ‘Chakaotuhpa moleipa, na pakah tawhta bie a puapa tlai ta thailei ei cha pachâsa aw! Chyhsa chakhiehcharieh kawpa châ na ta, ei sokhâh leipa chhao la tyh na ta, ei tu leipa chhao a hria tyhpa ei châpa cha na pahno naw?

RYHPACHANEINA 26:17

Tanoh he Abeipa cha nama Khazohpa a châ tahpa phuah ha ei chi ta, a lâpizy a chhihpa ta, a bieraopazy, a biepiepazy nata a pachianazy zyhpa ta, a ao nathlie awpa ta bie namâ taih haw.

ZAWSUA 24:21

Zawpizy ta Zawsua hnohta, “Châ vei, Abeipa khâchâ eima chakao aw,” tah ei ta.