ZAWSUA 24:21 - Mara Bible RV (BSI)

²¹ Zawpizy ta Zawsua hnohta, “Châ vei, Abeipa khâchâ eima chakao aw,” tah ei ta.

ZAWSUA 24:21 ပူးပေါင်းရင်းမြစ်များ

PUASAINA 19:8

Zawpi zydua ta, “Abeipa reipa zydua cha eima tao lymâ aw,” tahpa ta â raohpa ta a chhy ei ta. Mawsi ta zawpi biereipazy cha Abeipa chho ta.

PUASAINA 20:19

Mawsi hnohta, “Nâ ta eima hnohta bie vaw reih la, eima nathlie aw. Khazohpa eima hnohta bie pareisa khao khah y. Chataleipatala eima thi pathlei aw na,” tah ei ta.

PUASAINA 24:3

Mawsi cha zu ta, Abeipa bie zydua nata ryhpa zydua cha zawpi hnohta za chho ta, chyhsa zydua ta, “Abeipa reipa zydua cha eima tao aw,” tahpa ta â raohpa ta a chhy ei ta.

PUASAINA 24:7

Biehrai Châbu la ta, zawpi theina liata reih ta, zawpizy ta, “Abeipa reipa zydua tao aw pi ta, eima zyh aw,” tah ei ta.

ISAI 44:5

Chyhsa pakha ta, ‘Abeipa eih ei châ,’ tah aw ta, Chyhsa hropa ta Zakaw moh a bi aw ta, Mohropa ta a ku liata ‘Abeipa eih,’ tahpa ropa ta, Anosasyh ta Izarei moh â bi aw.”

RYHPACHANEINA 26:17

Tanoh he Abeipa cha nama Khazohpa a châ tahpa phuah ha ei chi ta, a lâpizy a chhihpa ta, a bieraopazy, a biepiepazy nata a pachianazy zyhpa ta, a ao nathlie awpa ta bie namâ taih haw.

ZAWSUA 24:20

Abeipa siesaipa ta râh hropa khazohzy nama chakao khiahta cha, nama chô liata hmo phapa a vaw tao hapa chhao ta, châ heihnaohpa ta hmo pha leipa ta cha thô aw ei ta, a cha pahleipadia aw ei,” tah ta.

ZAWSUA 24:22

Zawsua ta zawpi hnohta, “Abeipa chakao awpa ta namâ tlyhpa kyh liata pahnokheituhpazy cha nâmosasyh tlai nama châ,” tah ta. Âmo ta, “Pahnokheituhpazy eima châ,” tah ei ta.