ZAWSUA 24:20 - Mara Bible RV (BSI)

²⁰ Abeipa siesaipa ta râh hropa khazohzy nama chakao khiahta cha, nama chô liata hmo phapa a vaw tao hapa chhao ta, châ heihnaohpa ta hmo pha leipa ta cha thô aw ei ta, a cha pahleipadia aw ei,” tah ta.

ZAWSUA 24:20 ပူးပေါင်းရင်းမြစ်များ

1 THÂTIHZYRONA 28:8

Chavâta tahmâ Abeipa phopi Izarei saw zydua mohmô liata nata eima Khazohpa theina liana heta, Abeipa nama Khazohpa biepiepa zydua he zyh ta, pachâ awpa ta ei cha pasyu ei. Chatanachata he râh phapa he hnei aw ei chi ta, châ vaw pazi awpa nama pathlazy ta chhâzaw ta ama hnei awpa ryuto râh châta nama paryu pachhuah lymâ aw.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

EZRÂ 8:22

“Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

HLAZY 89:31

Ei bieraopazy parao ei sala, Ei biepiepazy ama zyh vei khiah deikua cha,

ISAI 1:28

Hmoparaopazy nata moleipazy deikua cha, Hmaohkha ta pahleipadiapa châ aw ei ta, Abeipa a siesaipazy chhao ama leidia aw.

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

HMOTAOPAZY 7:42

Chavâta Khazohpa ta âmo cha a heihsai ta, avâ liata awhsizy a chhy awpa ta âmo cha a siesai ha ei, hrohsopazy châbu liata, “‘Hy Izarei phopi, Râhchawhpa liata kô sypalih nama y chhôh ta, Sa thiepa nata atheihnazy eina hlâ ei chi ma?

RYHPACHANEINA 4:25

“Saw nata samohzy hneipa ta, cha râh liata bohpi nama y tawhta, moleina hmo taopa ta, nothlahpa kheihawhpa rai taopa ta, Abeipa nama Khazohpa mohmô ta hmo paraopa ta, a hie nama pahâh khiahta cha,

RYHPACHANEINA 4:26

nâmo pazei nawpa ta pahnokheituhpa châta avâ nata alei tanoh ei aw ei. Zawdâh chakapa ta nama kei hnei awpa râh tawhta thlai leidia aw ei chi ta, cha râh liata hroh pareih leipa aw ei chi ta, pahleipadia khaipa nama châ aw.

HEBRAI 10:38

Ei chyhsa siapa cha, Ngiapâna ta a hroh aw; Hnôh a sypa deikua cha, A chô liata alyna rai hnei aw va na.”

ZAWSUA 24:21

Zawpizy ta Zawsua hnohta, “Châ vei, Abeipa khâchâ eima chakao aw,” tah ei ta.

1 SAMUELA 12:15

Abeipa ao nathlie leipa ta, Abeipa biepiepa namâ dyuh khiahta deikua cha, châ pathlatuhpazy â dyuhpa hawhna khata, Abeipa ku ta nâmo nata nama bei cha a châ dyuh aw ei.

1 SAMUELA 12:25

Molei ngaitapa ta hmo nama tao ngâ thlâh ha khiahta deikua cha, nâmo chhao, nama bei chhao, pahleipadiapa nama châ aw,” tah ta.