ZAWSUA 24:2 - Mara Bible RV (BSI)

² Zawsua ta zawpi zydua hnohta, “Zehôvah, Izarei Khazohpa ta hetana heta a tah: ‘Châ pathlatuhpazy, Abarahâ nata Nâhaw paw Terâ tlai chhao kha, hlâno cha Ufrâti chavah khô lâ râh liata pahrâ tyh ei ta, khazoh hropazy ama chakao tyh.

ZAWSUA 24:2 ပူးပေါင်းရင်းမြစ်များ

ÂTHAONA 11:22

Seru cha kô 30 a châ nahta, Nâhaw sa ta.

ÂTHAONA 11:24

Nâhaw cha kô 29 a châ nahta, Terâ sa ta.

ÂTHAONA 11:26

Terâ cha kô 70 a châ nahta, Abarâ, Nâhaw nata Harânâ zy sa ta.

ÂTHAONA 11:27

Hezy he Terâ pathlazy ama châ: Terâ ta Abarâ, Nâhaw nata Harânâ zy sa ta, Harânâ ta Lawta a sa.

ÂTHAONA 31:19

Mietaku hmi ngyu awpa ta Lâbâ a sie chhôh ta, Râkheli ta a paw khazoh nothlahpa paru ta.

ÂTHAONA 31:30

Na paw o na vâ ngaitapa vâta na sie hapa chhao ta, khazia ei khazohzy eina parupa chi?” tah ta.

ÂTHAONA 31:32

Ahy rai a hnohta na khazohzy na hmôna chyhsa cha, a hroh awpa châ vei. Nâma eih keima liata a ypa cha, eima chiheihzy mohmô liana heta a phapa ta tlua la, la khai mah y,” tah ta. Râkheli ta khazohzy a paru hapa Zakaw ta pahno leipa ta.

ÂTHAONA 31:53

Abarahâ Khazohpa nata Nâhaw Khazohpa nata âmo pathlatuh Khazohpa ta eima likah liata pachia mawh sy,” tah ta. Chatanachata Zakaw cha a paw Aisika China moh ta bie a taih ta.

ÂTHAONA 35:4

Chatanachata râh hropa khazoh ama ku liata a ypa zydua nata ama nah liata rahy amâ bapa zydua cha Zakaw pie ei ta, Zakaw ta Sekhe kiapâh ôkâ tho ry liata pabu ta.

1 THÂTIHZYRONA 1:27

Abarâ zy ama châ. Abarâ cha Abarahâ a châ.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

EZEKIA 16:3

a hnohta, ‘Abeipa Zehôvâh ta Zerusale hnohta hetana heta a tah: Na puana râh nata na pina râh cha Kâna râh châ ta, na paw cha Amawri chyhsa châ ta, na nô cha Hiti chyhsa a châ.

LUKA 3:34

Zudâh cha Zakaw sawchapawpa châ ta, Zakaw cha Aisika sawchapawpa a châ. Aisika cha Abarahâ sawchapawpa châ ta, Abarahâ cha Terâ sawchapawpa a châ. Terâ cha Nâhaw sawchapawpa châ ta,

RYHPACHANEINA 26:5

Chatawhcha Abeipa nama Khazohpa hmiakô liata, ‘Eima paw cha Aramia chyhsa viavipa châ ta, Izi râh lâ zu ta, manôh chyhta chhaota cha liata za pahrâ ta, cha liata phopi rônahpa, thatlôpa nata maluh hluhpi vaw châ ta.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.