ZAWSUA 24:17 - Mara Bible RV (BSI)

¹⁷ Abeipa eima Khazohpa, ano tlai cha keimo nata miah pathlatuhpazy Izi râh seichâna o tawhta miah a kaw chhi papua ta, eima mohmô liata ngiana rônah ngaitapazy taopa ta, eima siena maih nata phopi eima chatôhna zydua liata miah pabohsatuhpa a châ.

ZAWSUA 24:17 ပူးပေါင်းရင်းမြစ်များ

2 THÂTIHZYRONA 13:10

Keimo deikua la, Abeipa cha eima Khazohpa châ ta, ano cha tleisai ma pi. Abeipa châta chakaona rai hria awpa ta Arawna pathla theihthaipazy hnei pi ta, âmo chakaona rai chyu a hria awpa Livai pathlazy chhao eima hnei.

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 19:4

‘Izi mo chô liata ei hmotaozie nata pahmôhpi mathlaw ta cha phaoh ei na ta, kei lâta ei châ chhipa ei kha nâmo tlai ta nama hmôpa kha a châ.

ISAI 46:4

Nama machâna taih chhao ta, Ano cha châ aw na ta; Nama sâ pawhna taih chhao ta, Ei cha pi lymâ aw ei. Nâmo châ taotuhpa châ na ta, Nâmo châ pyhtuhpa ei châ aw; Cha pi aw ei na ta, Ei cha pachha aw ei.

RYHPACHANEINA 29:2

Mawsi ta Izarei saw zydua aw ta, hetana heta Abeipa bie a chho ei. “Abeipa ta nama mohmô lia tlai ta Izi râh liata Phiraoh nata a chyhsa zydua nata a râh zydua chô liata a taopa zydua hmô ei chi ta,

RYHPACHANEINA 32:9

Abeipa tovyuh deikua cha a phopi châ ta, Zakaw cha a ryuto a châ.

RYHPACHANEINA 7:19

Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.

ZAWSUA 24:16

Zawpizy ta, “Zehôvâh Khazohpa siesaipa ta khazoh hropazy chakao cheita aw ma pi.

ZAWSUA 24:18

Abeipa ta phopi zydua, cha râh liata a pahrâpa Amawri mo chhao, eima hmiakô tawhta a papua khai ei. Chavâta keimo chhao Abeipa eima chakao aw, ano cha eima Khazohpa a châ,” tah ei ta.