ZAWSUA 24:14 - Mara Bible RV (BSI)

¹⁴ “‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.

ZAWSUA 24:14 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 35:2

Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

EZRÂ 9:11

châ chakaotuhpa hrohsopazy hmâpa ta, ‘Hnei awpa ta namâ ngia awpa râh cha, a râh liata a pahrâpa phopizy pathaih leina ta a puapa râh châ ta, râh âthaona tawhta achhâna taihta ama pasichhihna nata puana ta a biepa a châ.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 119:1

Hrozie phapakipa chyhsazy cha nohlao ei ta, Abeipa ryhpa a chhihtuhpazy cha ama nohlao na!

HLAZY 119:80

Maophyuhpa ta ei y lei nawpa ta, Ei palôh he na bieraopazy liata phapakipa ta y mawh sy!

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 81:10

Kei he Abeipa na Khazohpa châ na ta, Izi râh tawhta châ kaw chhi papuatuhpa kha ei châ. Na pakah a kawhpa ta â la, Ei pabie aw.

EZEKIA 20:18

“Chatawhcha râhchawhpa liata ama y nona chata ama pathlazy hnohta, ‘Châ pathlatuhpazy bieraopazy a chhih leipa u la, ama ryhpazy zyh hra leipa u la, ama khazoh nothlahpazy ta a papuapalei hra khuh vy.

EZEKIA 23:3

Izi râh liata sihryh ei ta, ama laihsa no tawhta a sihryhpa ama châ. Ama sâhpizy hmiepa ei ta, ama laihsa kôna sâhpizy ama hriapa.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

EPHESI 6:24

Kyhpachâna dia beih leipa ta eima Beipa Zisu Krista kyh pachâtuhpa zydua hnohta ngiachhiena y mawh sy.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 18:13

Abeipa nama Khazohpa hmiakô liata nama phapaki awpa a châ.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

ZAWSUA 24:2

Zawsua ta zawpi zydua hnohta, “Zehôvah, Izarei Khazohpa ta hetana heta a tah: ‘Châ pathlatuhpazy, Abarahâ nata Nâhaw paw Terâ tlai chhao kha, hlâno cha Ufrâti chavah khô lâ râh liata pahrâ tyh ei ta, khazoh hropazy ama chakao tyh.

ZAWSUA 24:23

Zawsua ta, “Chata a châ khiahta cha, nama hry liata chihropa khazoh a ypazy kha thy khai u la, Abeipa Izarei Khazohpa lâta nama pathipalôh pahei teh u,” tah ta.

1 SAMUELA 12:14

Abeipa cha chipa ta, ano cha chakao u la, a ao nathliepa ta, Abeipa biepiepa a dyuh leipa u la, nâmo nata nama chô liata ryureituhpa bei chhaota Abeipa nama Khazohpa a zipa nama châ khiahta cha, a pha aw.

1 SAMUELA 12:24

Chavâta Abeipa cha chi u la, ngâchhih ngaitapa ta, nama pathipalôh tlokhuh ta ano cha chakao u la, nama châta a hmotaopa rônahpazy kha pachâ tyh muh vy.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.