ZAWSUA 24:11 - Mara Bible RV (BSI)

¹¹ Cha khai tawhta Zawdâh chaka ei chi ta, Zerikô nama tlô. Zerikô chyhsazy ta châ vaw dyuh ei ta, Amawri mo, Perizi mo, Kâna mo, Hiti mo, Kikâsi mo, Hivi mo nata Zebu mozy chhao ta châ dyuh hra ei ta, châhrasala âmo cha nama ku liata ei cha pie ha ei.

ZAWSUA 24:11 ပူးပေါင်းရင်းမြစ်များ

ÂTHAONA 15:19

Kenâ mo, Keni mo, Kâdamô mo,

HLAZY 105:44

Phopi hropa râhzy cha âmo pie ta, Phopizy hria chiehpa ryu ta a patosa ei.

HLAZY 114:3

Tilaipi ta moh ta a râ ta, Zawdâh a hnawh lâ â lie.

HLAZY 114:5

Hy tilaipi, khazia nâ râ haw? Hy Zawdâh, khazia na hnawh lâ nâ lie haw?

PUASAINA 13:5

Abeipa ta nâmo cha pie awpa ta châ pathlatuhpazy hnohta bie â vaw taihpa Kâna mo, Hiti mo, Amawri mo, Hivi mo nata Zebu mozy pahrâna râh, sâhpiti nata kheihti lona râh a cha tlôkhei ti ei ta, he thla liana heta, he chakaona he nama hmâ tyh awpa a châ.

PUASAINA 23:23

“Ei vâlyuhchâpa na hmia lâta sie aw ta, Amawri mo, Hiti mo, Perizi mo, Kâna mo, Hivi mo nata Zebu mozy yna lâ châ chhi aw ta, âmo cha ei pahleipadia aw ei.

PUASAINA 23:28

Na hmia lâta kheipangiah tuah aw na ta, cha chata Hivi mo, Kâna mo nata Hiti mozy na hmia lâta â chadai aw ei.

PUASAINA 23:31

Tilaipi Saihpa tawhta Philistinâ mo tilaipi taihta nata râhchawhpa tawhta Ufrâti chavah taihta na râhri châta ei cha taopa aw. Cha râh liata a pahrâpazy cha, na ku liata cha pie aw na ta, âmo cha na hmiakô tawhta na papua awpa a châ.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

PUASAINA 33:2

Ei vâlyuhchâpa nama hmia lâta tuah aw na ta, Kâna mo, Amawri mo, Hiti mo, Perizi mo, Hivi mo nata Zebu mozy ei papua aw ei.

HMOTAOPAZY 13:19

Kâna râh liata phopi mia sari a panawh khai tawhta, Kâna mo râh cha ama ryuto râh châta a pie ei.

HMOTAOPAZY 7:45

Cha achhyna byureih cha miah pathlatuhpazy pathla pachhuahpazy chhao ta chhy lymâ ei ta. Khazohpa ta miah pathlatuhpazy hmiakô liata phopizy papua ta, Zawsua chhaota râh ama kei pahrâ nona khata a ngiakhei ei ta. Cha achhyna byureih cha Dâvi daihti taihta y ta.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.

ZAWSUA 4:1

A phopi duata Zawdâh ama chaka khai nahta, Abeipa ta Zawsua hnohta,

ZAWSUA 4:19

Izarei phopi cha cha thla khana, noh hrawhna noh ta Zawdâh tawhta pua ei ta, Zerikô nochhi râhri Kilkal liata riehmo paryh ei ta.

ZAWSUA 4:23

Zehôvâh Khazohpa ta eima chaka khai hlâlei Tilaipi Saihpa pakua ta, Tilaipi Saihpa chô liata a taopa hawhna khata, Zehôvâh Khazohpa ta nama chaka khai hlâlei Zawdâh tizy a cha pakuapa ei.

ZAWSUA 9:2

â raohpa ta Zawsua nata Izarei a dyuh awpa ta a hmaohpakhy ei ta.