ZAWSUA 23:6 - Mara Bible RV (BSI)

⁶ Chavâta Mawsi ryhpa châbu liata ropa zydua riahphapa ta zyh u la, tao teh u. Chachâh lâ tlyma, chavei lâ tlyma, tleisai cheita khuh vy.

ZAWSUA 23:6 ပူးပေါင်းရင်းမြစ်များ

1 ABEIZY 2:3

Na hmotaopa maih nata nâ heina lâ maihta thlaochhipa ta na y lymâ thei nawpa ta, Mawsi Ryhpa liata ropa hawhta, Abeipa na Khazohpa ta bie a cha piepazy a pyh la, a lâpizy a chhih la, a bieraopazy, a biepiepazy, a ryhpazy nata a pahnokheinazy zyh mah y.

HLAZY 101:3

Hmo pha leipa kheihawhpa rai, Ei mohmô liata soh aw va na. Lâpi a tleipazy hmotaopa a hao na ta, Kei liata a bai aw vei.

HLAZY 119:102

Eina pachu hapa vâ chi ta, Na ryhpa tleisai beih va na.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 17:20

Chatanachata a palôh lai leipa aw ta, a unawhzy chô lâta a soh aw vei. Biepiepa cha chachâh lâ tlyma, chavei lâ tlyma tlei sai leipa aw ta, â beina Izarei râh liata ano nata a pathlazy bohpi amâ bei thei aw.

RYHPACHANEINA 28:14

Tanoh ta bie ei cha piepa ei he, a kheihawhpa lia hmahta chachâh lâ tlyma, chavei lâ tlyma tleisai leipa ta, khazoh hropazy pazi leipa ta nama chakao leipa khiahta cha, cha hawhta nama châ aw.

RYHPACHANEINA 5:32

Chavâta Abeipa nama Khazohpa ta bie a cha piepa hawh ei ta pakhâta ta tao u la, chachâh lâ tlyma, chavei lâ tlyma, nama tlei awpa châ vei.

HEBRAI 12:4

Moleina namâ dyuhna liata, thisaih lona taihta a dyuh mâh veih ei chi.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.