ZAWSUA 23:5 - Mara Bible RV (BSI)

⁵ Abeipa nama Khazohpa ta âmo cha nama hmiakô liata papua aw ta, nama hmô pha leipa lâ a to khai aw ei. Abeipa nama Khazohpa ta nama hnohta a reipa hawhta, ama râh cha nama hnei aw.

ZAWSUA 23:5 ပူးပေါင်းရင်းမြစ်များ

PUASAINA 23:20

“Moh teh, lâpi liata châ vaih awpa nata su ei chhuahdypa châ tlôkhei awpa ta, na hmia lâta vâlyuhchâpa ei pasiesa.

PUASAINA 33:2

Ei vâlyuhchâpa nama hmia lâta tuah aw na ta, Kâna mo, Amawri mo, Hiti mo, Perizi mo, Hivi mo nata Zebu mozy ei papua aw ei.

PUASAINA 34:11

“Tanoh ta bie ei cha piepa he zyh mah y. Amawri mo, Kâna mo, Hiti mo, Perizi mo, Hivi mo nata Zebu mozy cha na mohmô liata ei papua aw ei.

RYHPACHANEINA 11:23

Abeipa ta phopi zydua he nama hmiakô tawhta cha papuapa aw ei ta, nâmo hlâta maluh hluh viapa nata thatlô viapa phopizy râh cha nama hnei aw.

ZAWSUA 13:6

Lebanaw tawhta Misrephôthamâ taihta tlâh râh liata a pahrâpa zydua nata Sidaw râh zydua cha, la mâh leipa râhzy a châ. Âmo cha Izarei sawzy hmiakô tawhta papua aw ei na ta, bie ei cha piepa hawhta, ama râhzy cha Izarei sawzy ryuto châta na rai aw ei.

RYUREITUHPAZY 2:21

kei chhao ta Zawsua ta a thi hlâta a papua khai hmâ leipa phopizy he papuapa khao aw veih ei na.