ZAWSUA 23:4 - Mara Bible RV (BSI)

⁴ Pachâ teh u, phopi pahnie mâh leipazy nata kei tlai ta ei chhawh pathlah hapa, Zawdâh tawhta notla lâ Tilaipi Laipa tlôna taihta phopizy râh cha, nama chizy ryuto râh châta ei cha pie ei.

ZAWSUA 23:4 ပူးပေါင်းရင်းမြစ်များ

HLAZY 105:11

“Kâna râh cha pie aw na ta, Cha cha na ryuto râh a châ aw,” a tah.

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

PUASAINA 23:30

Nama maluh pôhpa ta, râh liata a pahrâ khi nama y hlâlei cha, a chyh chyhta ta ei cha papuapa aw ei.

ZEPHANIA 3:6

“Râhzy parao ei na ta, Ama thokhyzy a ry khai haw; Ama lâlaizy ziahzi parohsa na ta, A chhih awpa y khao veih ei. Ama khihpizy roryhrapa ta paysapa châ ta, Chyhsa y khao leipa ei ta, A chhôh liata a pahrâpa rai y khao veih ei.

RYHPACHANEINA 12:29

“Pho awpa ta nama siehnaopa phopizy cha, Abeipa nama Khazohpa ta nama hmiakô liata chhawh pathlahpa ta, âmo cha pho ei ta ama râh liata nama pahrâ tita,

ZAWSUA 13:2

Hezy he la mâh leipa râhzy a châ: Philistinâ râh zydua nata Kesuri mo râh zydua;

ZAWSUA 18:10

Zawsua ta Silô khihpi liana chata Abeipa hmiakô liata âmo châta nuby a dao ta. Cha liata Zawsua ta Izarei sawzy cha ama chi apachhaihna yzie hawhta râh cha rai ta.

RYUREITUHPAZY 2:21

kei chhao ta Zawsua ta a thi hlâta a papua khai hmâ leipa phopizy he papuapa khao aw veih ei na.