ZAWSUA 23:16 - Mara Bible RV (BSI)

¹⁶ Abeipa nama Khazohpa ta bie a cha piepa ei, a biehrai paraopa ta, khazoh hropazy pangaipa ta âmo cha chakaopa ta namâ chhy khiahta cha, nama chô liata Abeipa pathi ia aw ta, râh phapa a cha piepa tawhna ei heta thlai nama leidia aw,” tah ta.

ZAWSUA 23:16 ပူးပေါင်းရင်းမြစ်များ

1 ABEIZY 14:15

Ti liata lohthi a chalyu ngâpa hawhta, Abeipa ta Izarei cha vaw chalyu aw ta, Aseri tôhzy taopa ta Abeipa hie ama pahâhpa vâta, âmo pathlatuhpazy hnohta a piepa râh phapa tawhna heta Izarei cha phia aw ta, Ufrâti chavah khô lâ a hiepatla ha aw ei.

1 ABEIZY 9:6

Nâmo tlyma, nama pathlazy tlyma, eina zipa tawh ei chi ta na tleisaipa ta, nama hmiakô liata ei sopa ei biepiepazy nata ei bieraopazy zyh leipa ta, khazoh hropazy pangaipa ta, âmo cha chakaopa ta namâ chhy khiahta deikua cha,

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

2 ABEIZY 17:7

Cha hawhta ama yna chhâpa cha, Izarei sawzy ta Izi bei Phiraoh ku ry liata ama yna Izi râh tawhta a kaw chhi papuatuhpa Abeipa ama Khazohpa chô liata hmo parao ei ta, khazoh hropazy tlao chi ei ta,

2 ABEIZY 24:20

Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

ISAI 24:5

Alei chô liata a pahrâpazy ta ryhpazy parao ei ta, Bieraopazy pananopa ta, Tlyzaw biehrai ama phiepa vâta, Alei cha âmo ry liata papuapaleipa ta a y.

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

MALUHREINA 33:56

Ama chô liata tao awpa ei pachâpa cha, nama chô liata ei tao aw,’ tah mah y,” tah ta.

RYHPACHANEINA 17:3

sie ta khazoh hropazy chakaopa ta chazy cha â chhy aw tlyma, a châ vei khiah, noh tlyma, thlâpâ tlyma, avâ liata a ypa kheihawhpa tlyma a chhypa ta, bie ei pie leipa tao sala,

RYHPACHANEINA 28:15

“Abeipa nama Khazohpa ao nathlie leipa u la, Abeipa biepiepa nata a bieraopa tanoh ta ei cha piepazy ei he zyh leipa ta, nama tao leipa khiahta deikua cha, he chhiesana zydua he nama chô liata vaw tlô aw ta, nama hmia lâta a cha siekhâh lymâ aw ei.

RYHPACHANEINA 6:15

Nama hnohta a ypa Abeipa nama Khazohpa cha hiatlia pasapa Khazohpa a châ. Nama chô liata Abeipa nama Khazohpa a pathi ia aw ta, alei chô tawhta a cha pahleipadia pathlei aw ei.

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

RYUREITUHPAZY 2:20

Chavâta Abeipa pathi cha Izarei chô liata thata ia ta, “He phopi heta ama pathlatuhpazy hnohta bie ei piepa, ei biehrai parao ei ta, ei ao ama nathlie leipa vâta,

1 SAMUELA 12:25

Molei ngaitapa ta hmo nama tao ngâ thlâh ha khiahta deikua cha, nâmo chhao, nama bei chhao, pahleipadiapa nama châ aw,” tah ta.