ZAWSUA 23:13 - Mara Bible RV (BSI)

¹³ Abeipa nama Khazohpa ta phopizy he nama hmiakô tawhta papua khao aw vei tahpa pahno muh vy. Abeipa nama Khazohpa ta râh pha ngaitapa a cha piepa tawh eina heta nama leidia khai hlâlei, âmo cha nama châta khoheih nata aphyh châ aw ei ta, nama kâ châta tuna chôchahrei châ aw ei ta, nama mokhaoh châta ahloh ama châ aw.

ZAWSUA 23:13 ပူးပေါင်းရင်းမြစ်များ

1 ABEIZY 11:4

Sawlawmaw cha a vaw machâ nahta, a lapinôzy ta khazoh hropazy lâta a palôh patleisa ei ta, a paw Dâvi palôh hawhta Abeipa a Khazohpa lâta a palôh tlokhuh hlâ thei khao vei.

2 ABEIZY 17:18

Chavâta Abeipa cha Izarei chô liata a pathi ia ngaita ta, a mohmô tawhta a papua ha ei. Zudâh chi tah leipa ta cha pahlôhpa y khao veih ei.

2 ABEIZY 17:20

Chavâta Abeipa ta Izarei pathla zydua cha dytha ta, ama rie patheipa ta, hraotuhpazy ku liata hlâpa ta, a mohmô tawhta a thy pathlah ha ei.

2 ABEIZY 25:21

Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.

2 ABEIZY 25:26

Chatawhcha chyhsa zydua cha, a lai a chyh ta, pheisaih hyutuhpazy chhaota thyu ei ta, Kaldia mo ama chipa vâta, Izi râh lâ ama sie haw.

HLAZY 69:22

Ama hmiakô liata ama tlâhkhai cha, Khoheih vaw châ sala; Thlalôhpa ta ama y hai nota, Âmo châta aphyh châ mawh sy.

PUASAINA 10:7

Phiraoh chakaotuhpazy ta a hnohta, “Kha chyhsa kha khachâ ma eima châta khoheih a châ aw tly? Abeipa ama Khazohpa cha ama chakao thei nawpa ta, chyhsazy cha pasiesa thlâh ha bâ teh, Izi râh paraopa a châ hapa he pahno to va chi mâ?” tah ei ta.

PUASAINA 23:33

Na râh chhôh liata ama pahrâ awpa châ vei. Chataleipatala ei chô liata cha pamoleisa aw ei ta, ama khazohzy na chakao tlai khiahta cha, na châta khoheih a châ aw,” tah ta.

PUASAINA 34:12

Na sie nawpa râh liata a pahrâpazy hnohta biehrai tao lei awpa ta a vaih mah y. Chataleipatala nama hry liata khoheih ama châ pathlei aw.

PUASAINA 34:16

Cha leipa chhao ta, nama sawchapawzy châta ama sawchanôzy hnei aw ei chi ta, ama sawchanôzy ta ama khazohzy liata sihryh aw ei ta, nama sawchapawzy chhao ama khazohzy liata ama pasihryhsa pathlei aw.

EZEKIA 28:24

“Izarei pathlazy a chhô awpa ahloh y khao leipa aw ta, ama chheipâh liata âmo a mohnao kaw tyhpazy hry liata chhao, Izarei a pasasa awpa ahloh y khao aw vei. Chatanachata kei he Abeipa Zehôvâh ei châ tahpa ama pahno aw.

MALUHREINA 33:55

A râh liata a pahrâpazy nama hmiakô tawhta nama papua khai vei khiahta deikua cha, nama paysapazy cha nama mo liata mobâ hawhta châ aw ei ta, nama kâ liata ahloh hawhta cha chho aw ei ta, nama pahrâna râh liata châ patypamâtuhpazy ama châ lymâ aw.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

RYHPACHANEINA 29:28

hiehâhna ru ngaitapa nata pathiiana sah ngaitapa ta ama râh tawhta phia pathlah ta, tanoh ta ama yzie hawhna heta, râh hro lâta a papaipatla ha ei,’ ama tah aw.

RYHPACHANEINA 30:18

nama leidia tlai aw tahpa tanoh ei cha chho ei. Zawdâh chakapa ta râh namâ ngia awpa nata nama hnei awpa liata hroh pareih aw veih ei chi.

RYHPACHANEINA 4:26

nâmo pazei nawpa ta pahnokheituhpa châta avâ nata alei tanoh ei aw ei. Zawdâh chakapa ta nama kei hnei awpa râh tawhta thlai leidia aw ei chi ta, cha râh liata hroh pareih leipa aw ei chi ta, pahleipadia khaipa nama châ aw.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

2 TIMAWTHY 2:26

Chatanachata ama chhie nata pha pahnona vaw hroh aw ta, ano khopa tao awpa ta âmo a patu tyhpa ahripa khoheih ama khôkhâh thei aw.

RYUREITUHPAZY 2:21

kei chhao ta Zawsua ta a thi hlâta a papua khai hmâ leipa phopizy he papuapa khao aw veih ei na.