ZAWSUA 23:12 - Mara Bible RV (BSI)

¹² Hnôh lâ a heihpa ta, phopi laibâhpa nama hry liata a pahrâpazy a zaokhipa ta, a hnei pahlao u la, nama o cha kiah ei sala, ama o nama kiah khiahta cha,

ZAWSUA 23:12 ပူးပေါင်းရင်းမြစ်များ

ÂTHAONA 2:24

Chavâta chapaw ta a nô nata paw siesaipa ta, a lapinô patu aw ta, pôhpa miakha ama vaw châ ha aw.

ÂTHAONA 34:3

Sekhe palôh cha Zakaw sawchanô Dinâ liata khâchâ y ta. Laihsa cha kyhpachâ kaw ta, reikah phapa ta bie a chho ta.

1 ABEIZY 11:2

Âmo he Abeipa ta Izarei sawzy hnohta, “Âmo nama hnei awpa châ leipa ta, âmo chhao ta ama cha hnei awpa châ vei, ama khazohzy lâta nama palôh ama cha paheihsa thlyu awpa vâta,” tahpa ta a vaw rei hapa phopizy kha ama châ. Cha chihropa zuahzy cha Sawlawmaw ta khohpa ta âmo cha khâchâ patu ta.

1 ABEIZY 11:4

Sawlawmaw cha a vaw machâ nahta, a lapinôzy ta khazoh hropazy lâta a palôh patleisa ei ta, a paw Dâvi palôh hawhta Abeipa a Khazohpa lâta a palôh tlokhuh hlâ thei khao vei.

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

HLAZY 36:3

A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

ZEPHANIA 1:6

Abeipa pazi ha tlôh ta a kuasai heihpazy Chhawh pathlah aw ei na ta, Abeipa tlua leipa ta, ano a saohiah leipa maih cha, He su tawhta ei chhawh pathlah khai aw ei,” Abeipa ta a tah.

MATHAI 12:45

Sie ta, thlahpa hropa pasari, ano hlâta molei viapazy a vaw chhi ta, cha liata a ngia ei ta, ama pahrâ haw. Hnôhlâ ta cha chyhsa duahmo cha, hmiatuapa hlâ khata a chhie via syulyu haw. Cha hawhna chata, he chhâ moleipa chhao he a vaw y hra aw,” tah ta.

ZAWHÂNA 6:66

Cha rakha tawhta cha, a zituhpa hluhpi ta kuasai ei ta, a hnohta sie khao leipa ei ta.

RAWMA 12:9

Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

RYHPACHANEINA 6:15

Nama hnohta a ypa Abeipa nama Khazohpa cha hiatlia pasapa Khazohpa a châ. Nama chô liata Abeipa nama Khazohpa a pathi ia aw ta, alei chô tawhta a cha pahleipadia pathlei aw ei.

RYHPACHANEINA 7:3

Âmo nata a hnei pahlao awpa châ leipa ta, ama sawchapawzy châta nama sawchanôzy nama pie awpa châ leipa ta, nama sawchapawzy châta ama sawchanôzy nama hia awpa châ vei.

RYHPACHANEINA 7:4

Chataleipatala keima pazina tawhta nama sawchapawzy patleisapa ta, Khazoh hropazy chakaosa aw ei ta, nama chô liata Abeipa a pathi iapa ta, thlai a cha pahleipadia pathlei aw ei.

ZAWSUA 23:11

Chavâta a phapa ta a sohsi u la, Abeipa nama Khazohpa cha kyhpachâ teh u.

1 ZAWHÂNA 2:9

Khaihna liata a ypa hawhta a reih tlôh ta, a unawhpa a haopa cha, zohna liata a y thlâh ha chy.

RYUREITUHPAZY 14:3

A nô nata a paw ta a hnohta, “Na heinawh sawchanôzy hry liata tlyma, eima chiheih zydua hry liata tlyma, chanô y tlâ veih ei ma, khazia chopawtaileipa Philistinâ mo cha lapinô ta na hnei thlâh ha aw?” tah ei ta. Châhrasala Sâsawna ta a paw hnohta, “Na hiapa thlâh ha teh, ei mo nâ dy kawpa chanô a châ,” tah ta.

RYUREITUHPAZY 3:6

Ama sawchanôzy lapinô ta hnei ei ta, âmo sawchanôzy chhao ama sawchapawzy pie ei ta, ama khazohzy ama chakao.