ZAWSUA 23:11 - Mara Bible RV (BSI)

¹¹ Chavâta a phapa ta a sohsi u la, Abeipa nama Khazohpa cha kyhpachâ teh u.

ZAWSUA 23:11 ပူးပေါင်းရင်းမြစ်များ

PUASAINA 20:6

kyh na pachâ ta, ei biepiepazy a zyhtuhpa sâh hluhpizy chô liata deikua cha, ngiachhiena a palâsa tyhpa ei châ.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

1 KAWRINI 8:3

Khazohpa kyh a pachâpa deikua cha, Khazohpa ta ano cha a pahno.

EPHESI 5:15

Chatanachata asoleipazy hawhta y leipa u la, asopazy hawhta ypa ta, nama yzie liata a chado teh u.

RYHPACHANEINA 30:16

Abeipa nama Khazohpa kyhpachâ awpa ta, tanoh ta bie ei cha piepa he zyh u la, a lâpizy a chhihpa ta, a biepiepazy, a bieraopazy nata a pachianazy nama zyh khiahta cha, hroh aw chi ta, pôh aw chi ta, hnei awpa ta nama pangaipa râh liata Abeipa nama Khazohpa ta byhnâ a cha pie aw ei.

RYHPACHANEINA 30:20

Abeipa nama Khazohpa kyhpachâ u la, a ao nathliepa ta, ano khâchâ patu teh u. Ano cha nama hrona châ ta, nama hro pasina a châ. Chatanachata Abeipa ta châ pathlatuhpa Abarahâ, Aisika nata Zakaw zy hnohta pie awpa ta bie â taihpa râh liata nama pahrâ thei aw,” tah ta.

RYHPACHANEINA 4:15

“Chavâta pakhâta ta a vaih teh u. Hôribâ liata Abeipa ta mei tawhta nama hnohta bie a rei noh kha, a pôhpa hmô veih ei chi.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

ZAWSUA 22:5

Abeipa chakaotuhpa Mawsi ta bie a cha piepa hawh ei ta, Abeipa nama Khazohpa cha a kyh pachâ ta, a lâpi zydua a chhihpa ta, a biepiepazy zyh ta, ano cha khâchâ patupa ta, nama pathipalôh tlokhuh ta nata nama thlahpa tlokhuh ta ano chakao awpa ta biepiepa nata ryhpazy pakhâta ta nama zyh awpa a châ,” tah ta.

ZAWSUA 23:10

Abeipa nama Khazohpa ta bie châ taih ei ta, ano tlai ta nâmo châta â dyuhpa vâta, nâmo chyhsa pakha ta chyhsa sâh kha namâ chadaipai aw.

ZAWSUA 23:12

Hnôh lâ a heihpa ta, phopi laibâhpa nama hry liata a pahrâpazy a zaokhipa ta, a hnei pahlao u la, nama o cha kiah ei sala, ama o nama kiah khiahta cha,