ZAWSUA 22:34 - Mara Bible RV (BSI)

³⁴ Rubena pathlazy nata Kâdâ pathlazy ta, “He he Abeipa cha Khazohpa a châ tlai na tahpa eima likah liata Pahnokheituhpa a châ,” tah ei ta, maisâh cha Pahnokheituhpa tahpa ta a moh ama bi.

ZAWSUA 22:34 ပူးပေါင်းရင်းမြစ်များ

ÂTHAONA 31:47

Lâbâ ta lôpheih cha a moh Zekâsahâduthâ bi ta, Zakaw deikua ta Kâle tahpa ta a moh a bi.

ÂTHAONA 31:48

Lâbâ ta, “He lôpheih he tanoh keima nata nâma likah pahnokheituhpa a châ,” tah ta, chavâta a moh Kâle a bi.

1 ABEIZY 18:39

Zawpi zydua ta cha cha ama hmô nahta, â khu lâta pao ei ta, “Abeipa tlai he Khazohpa a châ, Abeipa tlai he Khazohpa a châ,” tah ei ta.

ISAI 19:19

Cha noh liata, Izi râh liah khophie liata Abeipa châta maisâh y aw ta, a râhri liata Abeipa châta lôbô a y aw.

ISAI 43:10

“Nâmo tlai he nâ pahnokheituhpa châ ei chi ta, Nâ chakaotuhpa ei tlyhpazy nama châ. Chatanachata keima tlai he, Khazohpa cha ei châ tahpa nama novâh aw ta, Pahno aw ei chi ta, Einâ ngiapâ aw ei chi. Kei ei y hlâta cha, Khazoh hropa rai y leipa ta; Keima khai tawhta chhao, Khazoh hropa y khao aw vei,” Abeipa ta a tah.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

ZAWSUA 22:27

keimo nata nâmo nata keimo hnôhlâ ta eima pathlazy likah liata pahnokheituhpa châ aw ta, chatanachata eima raopa hlânazy, atheihnazy nata aryhna hlânazy ta Abeipa cha a hmiakô liata chakao thei aw pi ta, chhâ vaw y awpa liata nama pathlazy ta eima pathlazy hnohta, “Abeipa liata tovyuh hnei veih ei chi,” ama tah lei nawpa ta,’ tahpa ta eima taopa a châ.

ZAWSUA 24:27

Zawsua ta zawpi zydua hnohta, “Moh teh u, he alô he miah pahnokheituhpa a châ aw. Abeipa ta eima hnohta bie a reipa zydua thei khai ta, chavâta nâmo châ pahnokheituhpa a châ aw. Chataleipatala nama Khazohpa cha namâ paphasai pathlei aw,” tah ta.