ZAWSUA 22:31 - Mara Bible RV (BSI)

³¹ Theihthaipa Eliaza sawchapawpa Phinehâ ta Rubena pathlazy, Kâdâ pathlazy nata Manase pathlazy hnohta, “Abeipa eima hry liata a y tlai tahpa tanoh eima pahno haw. Abeipa châta nama ngâchhihna nama pahlei leipa vâta, tahmâ he Abeipa ku tawhta Izarei sawzy nama pachha haw,” tah ta.

ZAWSUA 22:31 ပူးပေါင်းရင်းမြစ်များ

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

EZRÂ 7:5

Buki cha Abisua sawchapawpa châ ta, Abisua cha Phinehâ sawchapawpa châ ta, Phinehâ cha Eliaza sawchapawpa châ ta, Eliaza cha theihthai beichaipa Arawna sawchapawpa a châ.

HLAZY 68:17

Khazohpa talailihzy cha thy hluhpi châ ta, Thy sâh hluhpi a châ; Abeipa cha Sinai liata a ypa hawhna khata, Pathaihna ta ama hry liata a pahrâ.

PUASAINA 25:8

Supathaihpa na taopa mawh ei sy, chatanachata ama hry liata ei pahrâ aw.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

1 KAWRINI 14:25

A palôh liata nyupazy palâsapa châ aw ta, â khu lâta pao aw ta, Khazohpa a chhypa ta, Khazohpa cha nama hry liata a y hmeiseih tlai tahpa ta a phuah aw.

ZAWSUA 22:30

Theihthaipa Phinehâ nata a hnohta a siepa zawpi chhituhpa Izarei pho hyutuhpazy ta Rubena pathlazy, Kâdâ pathlazy nata Manase pathlazy bie reipa cha ama thei nahta, a ly kaw ei ta.

ZAWSUA 22:32

Chatanachata theihthaipa Eliaza sawchapawpa Phinehâ nata chhituhpazy cha, Rubena pathlazy nata Kâdâ pathlazy pahrâna Kilia râh tawhta Izarei pathlazy yna Kâna râh lâ a lie ei ta, bie cha kei tlôkhei ei ta.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.