ZAWSUA 22:29 - Mara Bible RV (BSI)

²⁹ Abeipa a dyuh chachei leipa pi ta, Abeipa eima pazipa tawhta tleisai tiarâh ma pi. Abeipa achhyna byureih hmiakô liata Abeipa eima Khazohpa maisâh tah leipa ta, raopa hlâna châta tlyma, niepa hlâna châta tlyma, atheihna châta tlyma, maisâh tao cheita ma pi,” tah ei ta.

ZAWSUA 22:29 ပူးပေါင်းရင်းမြစ်များ

ÂTHAONA 44:17

Zawsi ta, “Cha hawh ngâsâ ta la tao aw va na. A ku liata nyu ama hmôpa deita he nâ chakaotuhpa ta a y aw. Nâmo cha thlalôhpa ta nama paw lâ sie muh vy,” tah ta.

ÂTHAONA 44:7

Âmo ta a hnohta, “Khazia ei zibeipa ta cha hawhpa biezy cha a reih thlâh ha tly? Châ chakaotuhpazy he, cha hawhpa hmo a tao thlâh ha awpa chi châ ma pi.

1 ABEIZY 21:3

Châhrasala Nâbô ta Ahabâ hnohta, “Nâ pathlatuhpazy ryu ei cha pie awpa cha Abeipa ta pasaih khah sy,” tah ha ta.

2 ABEIZY 18:22

‘Keimo la Abeipa eima Khazohpa na eimâ ngâchhâ,’ nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, ‘Zerusale liata he maisâh hmiakô lia deita ta namâ chhy awpa a cha,’ tah ta, a su sâhpazy nata a maisâhzy a parao khai hapa kha châ vei ma?

2 THÂTIHZYRONA 32:12

Kha Hezekia kha vei ma, khazoh su sâhpazy nata maisâhzy parao khaipa ta, Zudâh râhsaw nata Zerusale khihsawzy hnohta, ‘Maisâh miakha lia dei ta Khazohpa a chhy aw ei chi ta, cha maisâh chô lia dei ta atheihnazy nama hlâ aw,’ tahpa ta bie a pietuhpa kha a châ vei?

RAWMA 3:6

Châ bao va! Chata a châ khiahta cha, Khazohpa ta kheihta khizaw a pachia thei aw?

RAWMA 6:2

Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 9:14

Cha khiahta cha, khâpa eima reih khao aw? Khazohpa liata sialeina a y ma? Y bao va!

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

ZAWSUA 22:23

Abeipa eima pazipa tawhta tleisai nawpa ta eima châta maisâh a taopa eima châ khiahta nata cha liata raopa hlâna tlyma, niepa hlâna tlyma, aryhna hlâna atheihna tlyma hlâ nawpa ta a taopa eima châ khiahta cha, ano Abeipa tlai ta viari miah thô mawh sy.

ZAWSUA 22:26

Chavâta, ‘Maisâh tao ei suh u, raopa hlâna châta nata atheihna châta châ leipa ta,

ZAWSUA 22:28

Chavâta hetana heta eima pachâ: Chhâ vaw y awpa liata keimo hnohta tlyma, eima pathlazy hnohta tlyma, cha bie cha ama rei tita, keimo ta, ‘Nathlie teh u, miah pathlatuhpazy ta Abeipa maisâh ama taozie he raopa hlâna awpa nata atheihna awpa châ vei, keimo nata nâmo likah ta pahnokheituhpa châta a châ,’ eima tah nawpa ta, a taopa eima châ.

ZAWSUA 22:30

Theihthaipa Phinehâ nata a hnohta a siepa zawpi chhituhpa Izarei pho hyutuhpazy ta Rubena pathlazy, Kâdâ pathlazy nata Manase pathlazy bie reipa cha ama thei nahta, a ly kaw ei ta.

ZAWSUA 24:16

Zawpizy ta, “Zehôvâh Khazohpa siesaipa ta khazoh hropazy chakao cheita aw ma pi.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.