ZAWSUA 22:22 - Mara Bible RV (BSI)

²² “Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.

ZAWSUA 22:22 ပူးပေါင်းရင်းမြစ်များ

1 ABEIZY 8:39

na pahrâna su vârâh liata vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathla zydua palôh a pahnotuhpa châ tlôh chi ta.

ZAWBÂ 10:7

Thaileina ei hnei leizie pahno chi ta, Na ku tawhta nâ pachha awpa y veih ei tahpa Na pahno thlâh ha vei ma?

ZAWBÂ 23:10

Châhrasala lâpi ei chhihpa pahno ta, Eina pasia khai tawhta la ngôh hawhta ei vaw pua aw.

ZAWBÂ 31:22

Ei phiahkao ei ngiatlâh tawhta tla sala, Ei bâh he ei kohkaru tawhta tlo mawh sy.

HLAZY 136:2

Khazozy Khazohpa hnohta alyna bie reih teh u, A kyhpachâna tlyzaw ta a daihpa a châ.

HLAZY 37:6

Na siana cha khaihna hawhta papua aw ta, Nâ dona chhao nohchhô hawhta a châ aw.

HLAZY 40:9

Pakhypi rônahpa liata pachhana thâtih pha chho na ta, Hy Abeipa, moh tua, Na pahnopa hawhta, Ei hmao he chalihsa va na.

HLAZY 44:21

Khazohpa ta hmô aw vei ma? Ano cha palôh liata bieru chhao, A pahno theipa châ tlôh ta.

HLAZY 44:22

Nâma vâta noh y ta thiepa ta y pi ta, Mietaku thie awpa hawhta pachâpa eima châ.

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

HLAZY 82:1

Khazohpa ta vâ pakhypi rônahpa chhihtha ta, Khazohzy hry liata ryureina siekhei ta, Hetana heta pachiana bie a phuah:

HLAZY 95:3

Abeipa cha Khazohpa rônahpa châ ta, Khazoh zydua chô lâta Bei rônahpa a châ.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

PUASAINA 18:11

Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

ZEREMIAH 12:3

Hy Abeipa, kei deikua cha na pahno chi ta, Na hmô chi ta, nâ lâta ei palôh phao na pasia tyh. Mietaku thie awpa hawhta âmo cha a daophi la, Thiena noh châta âmo cha soh nano mah y.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

MIKÂ 7:9

A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

HMOTAOPAZY 1:24

Thlahchhâ ei ta, “Hy Abeipa, nâ cha chyhsa zydua palôh pahnotuhpa na châ. He panozy liana heta, ahy he ma nâ tlyhpa a châ tahpa miah pahnosa mah y.

HMOTAOPAZY 25:11

Hmoparaotuhpa châ ha sah la, thina tlâh a châpa hmo a paraopa ei châ khiahta cha, thina khôkhâh awpa a chhuah va na. He Zu chyhsazy ta eina leihna ei he khâpa hmah a y leipa a châ khiahta deikua cha, ahy hmahta âmo lâ na hlâ thei aw veih ei. Kaisarâ kô ei tlô aw,” tah ta.

2 KAWRINI 11:11

Khâpa vâta maw? Kyh ei cha pachâ leipa vâ ei ta ma? Khazohpa ta a pahno!

2 KAWRINI 11:31

Abeipa Zisu Krista châta Khazohpa nata Paw a châpa, chhâzaw ta reithaipa Khazohpa ta haipa bie ei rei leizie a pahno.

2 KAWRINI 5:11

Chavâta Abeipa china phazie pahnopa ta, chyhsazy eima pasyu tyh. Kheihawhpa chyhsa ma eima châ tahpa Khazohpa ta pahno ta, nâmo chhao ta nama chhie nata pha pahnona hmâpa ta, miah nama pahno hra aw tahpa ei hnabei a seih.

RYHPACHANEINA 10:17

Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

ZAWSUA 22:21

Rubena pathlazy, Kâdâ pathlazy nata Manase chi khophiezy ta Izarei pho hyutuhpazy cha a chhy ei ta, ama hnohta,

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.