ZAWSUA 22:18 - Mara Bible RV (BSI)

¹⁸ Khazia tanoh Abeipa tleisai namâ chhuah heih tly? Tanoh Abeipa namâ dyuh khiahta cha, mylâ Izarei zawpi zydua chô liata a pathi a ia aw.

ZAWSUA 22:18 ပူးပေါင်းရင်းမြစ်များ

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

1 ABEIZY 9:6

Nâmo tlyma, nama pathlazy tlyma, eina zipa tawh ei chi ta na tleisaipa ta, nama hmiakô liata ei sopa ei biepiepazy nata ei bieraopazy zyh leipa ta, khazoh hropazy pangaipa ta, âmo cha chakaopa ta namâ chhy khiahta deikua cha,

2 ABEIZY 17:21

Nebâ sawchapawpa Zerôbaw ta Izarei cha Dâvi pathla tawhta pachhaih ta, ano cha bei ta ama tao. Zerôbaw ta Izarei cha Abeipa ama pazipa tawhta tleikhei ta, moleina lai ngaitapa a pataosa ei.

1 THÂTIHZYRONA 21:1

Sâtâ ta Izarei a dyuh awpa ta thyu ta, Izarei maluhpi rei awpa ta Dâvi cha reipasao ta.

1 THÂTIHZYRONA 21:14

Chatanachata Abeipa ta Izarei chô liata potlana patlôsa ta, Izarei chyhsa 70,000 thi ei ta.

2 THÂTIHZYRONA 25:27

Amazia cha Abeipa â heihsaipa nahta, chyhsa thokha ta ano cha Zerusale liata arulâta tei ei ta, chavâta Lakhi lâ a râ ta. Châhrasala Lakhi lâ cha chadaisa ei ta, cha liata ama thie haw.

2 THÂTIHZYRONA 34:33

Chatanachata Zôsia ta hmo pasichhihpa zydua Izarei râh zydua tawhta pahlei khai ta, Izarei râh liata a pahrâpa zydua Abeipa ama Khazohpa a chakaosa khai ha ei. Zôsia hro chhôh zydua Izarei sawzy ta Abeipa, ama pathlatuhpazy Khazohpa hnôh ama pazipa tleisai veih ei.

THEIHTHAINA 10:6

Mawsi ta Arawna nata a sawchapaw Eliaza nata Ithamâ zy hnohta, “Nama sâ pathliah leipa u la, nama chysiazy hrie hra khuh vy. Chataleipatala thi aw ei chi ta, zawpi zydua chô liata Abeipa hiehâhna a vaw tlô pathlei aw na. Nama chiheih Izarei chhôhkha zydua deikua ta, Abeipa ta mei ta a pakâsao hapazy cha chakhei mawh ei sy.

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

MALUHREINA 32:15

Abeipa pazina tawhta nama tleisai khiahta cha, Abeipa ta zawpizy he râhchawhpa liata siesai heih aw ta, he chyhsa zydua he nâmo ta nama pahleipadia khaipa a châ aw,” tah ta.

RYHPACHANEINA 7:4

Chataleipatala keima pazina tawhta nama sawchapawzy patleisapa ta, Khazoh hropazy chakaosa aw ei ta, nama chô liata Abeipa a pathi iapa ta, thlai a cha pahleipadia pathlei aw ei.

ZAWSUA 22:15

Rubena pathlazy, Kâdâ pathlazy nata Manase chi khophiezy yna Kilia râh lâ cha sie ei ta, ama hnohta,

ZAWSUA 22:16

“Abeipa phopi manôh zydua ta hetana heta ama tah, ‘Khazia Izarei Khazohpa chô liata hmo nama parao? Tanoh he Abeipa nama pazina tawhta tleisai a chhuahpa ta maisâh a tao ei chi ta, tanoh he Abeipa namâ dyuh hih.

ZAWSUA 22:20

Zerâ sawchapawpa Âkhâ ta pahleipadia awpa hmozy kyh liata biepiepa a paraopa vâta, Izarei zawpi chô liata hiehâhna a vaw tlôpa kha a thei thlâh ha veih ei chi ma? A paraona vâta ano deita a leidia leipa kha,’” tah ei ta.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 7:11

Izarei ta hmo a parao haw. Ama hnohta bie ei piepa, ei biehrai parao ei ta, pahleipadia awpa hmo thokha amâ la haw. Hmo paru ei ta, haipa bie reih ei ta, ama parupazy cha ama hmo hry liata ama nyu.

ZAWSUA 7:21

Hraona sôhzy hry liata Sinâ poh pha ngaitapa nata tâkâ sekel za no nata ngôh tlo sekel sypangawh a hripa hmô na ta, ei hia na tlia ngaita ta, ei vaw la haw. Ei poh o chhôh liata alei ry liata nyu na ta, a ry chai liata tâkâ a y,” tah ta.

1 SAMUELA 12:14

Abeipa cha chipa ta, ano cha chakao u la, a ao nathliepa ta, Abeipa biepiepa a dyuh leipa u la, nâmo nata nama chô liata ryureituhpa bei chhaota Abeipa nama Khazohpa a zipa nama châ khiahta cha, a pha aw.

1 SAMUELA 12:20

Samuela ta ama hnohta, “Chi khah u, he hmo pha lei ngaitapa he tao tlai ei chi ta, châhrasala Abeipa nama zipa cha tleisai leipa u la, nama pathipalôh tlokhuh ta Abeipa cha chakao muh vy.