ZAWSUA 22:10 - Mara Bible RV (BSI)

¹⁰ Kâna râh Zawdâh kao ama tlô nahta, Rubena pathlazy, Kâdâ pathlazy nata Manase chi khophiezy cha Zawdâh chavah kiah liata maisâh lai ngaitapa tao ei ta.

ZAWSUA 22:10 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 12:8

Cha tawhta Bethel nochhi lâta tlâh râh lâ a pasie ta, cha liata a poh o rai ta. Notla daih lâta Bethel y ta, nochhi daih lâta Ai khih a y. Cha liata Abeipa châta maisâh tao ta, Abeipa moh pado ta.

ÂTHAONA 28:18

Zakaw cha mydi kari ta thyu ta, a lahuah ta a hmâpa alô la ta, lôbô châta bô ta, a chô liata sathaw bao ta,

ISAI 19:19

Cha noh liata, Izi râh liah khophie liata Abeipa châta maisâh y aw ta, a râhri liata Abeipa châta lôbô a y aw.

ZAWSUA 22:11

Chyhsazy ta, “Rubena pathlazy, Kâdâ pathlazy nata Manase chi khophiezy ta Kâna râh tytua Zawdâh kao, Izarei sawzy râh liata maisâh ama tao,” tahpa ta ama reipa Izarei sawzy ta thei ei ta.

ZAWSUA 22:9

Chatanachata Rubena pathlazy, Kâdâ pathlazy nata Manase chi khophiezy cha, Kâna râh Silô khihpi liata Izarei sawzy nata a chhaih ei ta, Abeipa ta Mawsi hmâpa ta bie a vaw piepa hawhta, Kilia râh liata ama ryuto râh lâ ama sie haw.