ZAWSUA 21:8 - Mara Bible RV (BSI)

⁸ Cha khihpizy nata a chabyzy cha, Abeipa ta Mawsi hmâpa ta bie a piepa hawhta, Izarei sawzy ta Livai chizy hnohta nuby a daopa ta ama pie.

ZAWSUA 21:8 ပူးပေါင်းရင်းမြစ်များ

ÂTHAONA 49:5

“Simeôna nata Livai cha unawh châ ei ta, Ama zaozizy cha thachahra hmâna chaihraizy a châ.

ÂTHAONA 49:7

Ama pathichhiena cha chhiesapa ta y mawh sy, A tah tu pâ haw; Ama hiehâhna chhao chhiesapa ta y mawh sy, A ru tu pâ haw. Zakaw liata pachhaihpazaoh aw ei na ta, Izarei liata ei hiepatla aw ei.

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

BIESOZY 18:18

Nuby a daopa ta ahryuchhiana pachhâsa ta, A hryuh haipa thatlôpazy a pachhaih tyh ei.

MALUHREINA 32:2

Kâdâ pathlazy nata Rubena pathlazy ta Mawsi nata theihthaipa Eliaza nata zawpi chhituhpazy hnohta,

MALUHREINA 33:54

A pho pho ta nuby a dao aw ei chi ta, râh cha ryuto châta namâ rai aw. Chi lai viapazy cha ryuto râh lai via pie aw ei chi ta, chi chyh viapazy cha ryuto râh chyh via nama pie aw. Nuby ta a tlupa hawhta ama tovyuh a châ lymâ aw. Ryuto râh cha châ pathlatuhpazy chi yzie lymâ hawhta nama to awpa a châ.

MALUHREINA 35:3

Khihpizy cha ama pahrâ nawpa châta châ aw ta, sibiepa suzy cha ama viahchao, ama sahroh nata ama sa zydua châta a châ aw.

ZAWSUA 18:6

Râh cha su sari ta pachhaih aw ei chi ta, nama pachhaihzie cha he su liata kei lâ vaw tlôkhei aw ei chi ta, chatanachata he liata Abeipa eima Khazohpa hmiakô liata nuby ei châ daopa aw ei.

ZAWSUA 21:3

Chatanachata Abeipa biepiepa hawhta, Izarei sawzy ta ama ryuto râh tawhta, he khihpizy nata a chaby râhzy he Livai chizy ama pie.

ZAWSUA 21:7

Merâri pathlazy chhao Rubena chi, Kâdâ chi nata Zebulawna chi tovyuhzy tawhta khihpi miahrawh hleino a pho pho ta ama to hra.

ZAWSUA 21:9

Khihpi moh palâsapazy he Zudâh chi tovyuh nata Simeôna chi tovyuh tawhta Livai chizy hnohta ama pie.