ZAWSUA 21:44 - Mara Bible RV (BSI)

⁴⁴ Abeipa ta ama pathlatuhpazy hnohta bie â vaw taihpa hawhta, Izarei sawzy cha su to liata apahâna pie ta. Abeipa ta ama chariah zydua ama ku liata a pie khaipa vâ ei ta, ama chariah ahy hmah ama hmiakô liata a duah theipa y veih ei.

ZAWSUA 21:44 ပူးပေါင်းရင်းမြစ်များ

2 THÂTIHZYRONA 13:16

Izarei maw lâ pheisaihzy cha Zudâh pheisaihzy hmiakô liata a râpai ei ta, Khazohpa ta Zudâh ku liata a pie ha ei.

PUASAINA 23:31

Tilaipi Saihpa tawhta Philistinâ mo tilaipi taihta nata râhchawhpa tawhta Ufrâti chavah taihta na râhri châta ei cha taopa aw. Cha râh liata a pahrâpazy cha, na ku liata cha pie aw na ta, âmo cha na hmiakô tawhta na papua awpa a châ.

PUASAINA 33:14

Abeipa ta, “Ei ypâna nama hnohta sie aw ta, ei cha pahâsa aw ei,” tah ta.

ISAI 63:14

Saikao lâ a pangaipa sahrohzy hawhta, Abeipa Thlahpa ta a phopi cha apahâna pie ta; Nâmasasyh ta moh rônahpa a tao awpa ta, Na phopi na chhihthapa kha.

RYHPACHANEINA 2:36

Anaw saikao chhâna liata Arôerâ nata saikao liata khihpi a ypa tawhta Kilia taihta, thokhy a sâh tupa khihpi eima châta y vei. Abeipa eima Khazohpa ta eima ku liata miah a pie khai haw.

RYHPACHANEINA 21:10

“Nama chariahzy a dyuh awpa ta hrâ nama sie nahta, Abeipa nama Khazohpa ta âmo cha nama ku liata cha pie ei ta, sei ta a chhi u la,

HEBRAI 4:9

Chavâta Khazohpa phopi châta cha, a pahâ nawpa Pahânoh a y thlâh ha aw.

ZAWSUA 1:13

“Abeipa chakaotuhpa Mawsi ta nama hnohta, ‘Abeipa nama Khazohpa ta apahâna su cha pie ei ta, he râh he a cha pie aw ei,’ tahpa ta bie a cha piepa ei kha a thei thlâh ha muh vy.

ZAWSUA 1:15

Abeipa ta nama unawhzy cha, nâmo hawhta apahâna piepa ta, Abeipa nama Khazohpa ta râh a piepa ei cha, âmo chhao ta ama hnei hlâlei bao aw ei chi ta, cha khai tawhta Abeipa chakaotuhpa Mawsi ta hnei awpa ta Zawdâh nochhi lâta râh a cha piepa lâ ei cha kua aw ei chi ta, râh cha nama hnei aw,” tah ta.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

ZAWSUA 11:12

Cha beizy khihpizy nata ama bei zydua cha, Abeipa chakaotuhpa Mawsi biepiepa hawhta, Zawsua ta la khai ta, zaozi ta âmo cha chhawhsao ta, a pamua ha ei.

ZAWSUA 11:23

Abeipa ta Mawsi hnohta a reipa zydua hawhta, Zawsua ta Kâna râh zydua la khai ta, ama chi apachhaihnazie hawhta ama ryuto râh a pie chyu ei. Chatanachata adyuhna pai ta, râh cha thlalôhpa ta y ha ta.

ZAWSUA 11:8

Abeipa ta âmo cha Izarei ku liata pie ta, Izarei sawzy ta thie ei ta, Sidaw Rônahpa nata Mirephôthami nata nochhi lâta Mizpâ saikao taihta a chadai ei ta, pakha hmah pahlôh leipa ta ama thie khai haw.

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

ZAWSUA 22:4

Abeipa nama Khazohpa ta ama hnohta bie â taihpa hawhta, nama unawhzy cha apahâna a pie ha ei hih. Chavâta Abeipa chakaotuhpa Mawsi ta nama ryuto châta râh a cha piepa ei, Zawdâh haosâ liata nama poh ozy lâ a di bâ teh u.

ZAWSUA 22:9

Chatanachata Rubena pathlazy, Kâdâ pathlazy nata Manase chi khophiezy cha, Kâna râh Silô khihpi liata Izarei sawzy nata a chhaih ei ta, Abeipa ta Mawsi hmâpa ta bie a vaw piepa hawhta, Kilia râh liata ama ryuto râh lâ ama sie haw.

ZAWSUA 23:1

Abeipa ta Izarei cha ama chheipâh chariah zydua tawhta apahâna pie ta, bohpi a châ tawhta, Zawsua chhao cha vaw machâpa ta kô uhthei ngaitapa vaw châ ha ta.