ZAWSUA 21:43 - Mara Bible RV (BSI)

⁴³ Cha hawhna chata Abeipa ta Izarei sawzy cha, ama pathlatuhpazy hnohta pie awpa ta bie â vaw taihpa râh zydua pie ta. Chatanachata râh cha hnei ei ta, cha liata pahrâ ei ta.

ZAWSUA 21:43 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

2 THÂTIHZYRONA 20:8

He râh liata pahrâ ei ta, he liata na moh châta supathaihpa padua ei ta,

NEHEMIAH 9:24

Chatanachata ama pathlazy ta a ngia ei ta, râh cha ama hnei. Râh liata a pahrâpa Kâna mozy ama hmiakô liata panawhsa chi ta, ama khopa hawhta tao awpa ta, cha râh liata phopizy nata ama beizy cha Izarei sawzy ku liata na pie ei.

NEHEMIAH 9:8

Na hmiakô liata a palôh ngâchhihpa ta hmô chi ta, chatanachata Kâna mo, Hiti mo, Amawri mo, Perizi mo, Zebu mo nata Kikâsi mozy râh cha a pathlazy pie awpa ta, a hnohta biehrai na tao. Nâ cha asiapa châ chi ta, na bietai a patlôpa na châ.

HLAZY 105:8

A biehrai khâ a thei ta, A bietai chhâ sâh hluhpi taihta â thei thlâh haw.

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

MALUHREINA 33:53

Râh cha hnei aw ei chi ta, cha liata nama pahrâ aw. Cha râh cha hnei awpa ta ei cha piepa ei a châ.

MALUHREINA 34:2

“Izarei sawzy chho la, ama hnohta hetana heta biepie teh: Kâna râh nama tlô tita, nama ryuto râh a châ awpa Kâna râhri cha he hawhta a châ aw.

RYHPACHANEINA 11:31

Zawdâh chaka aw ei chi ta, Abeipa nama Khazohpa ta râh a cha piepa ei cha nama kei hnei aw. Cha râh cha hneipa ta, cha liata nama pahrâ tita,

RYHPACHANEINA 12:29

“Pho awpa ta nama siehnaopa phopizy cha, Abeipa nama Khazohpa ta nama hmiakô liata chhawh pathlahpa ta, âmo cha pho ei ta ama râh liata nama pahrâ tita,

RYHPACHANEINA 17:14

“Abeipa na Khazohpa ta râh a cha piepa ei a ngiapa ta, cha râh cha hneipa ta, cha liata nama pahrâ tita, ‘Eima chheipâh liata phopi zydua taozie hawhta bei eima hnei hra aw,’ nama tah khiahta cha,

RYHPACHANEINA 34:4

Abeipa ta a hnohta, “He râh he, Abarahâ, Aisika nata Zakaw hnohta, ‘Na pathlazy ei pie aw ei,’ tahpa ta bie ei taihpa râh kha a châ. Na mo ta cha pahmôsa na ta, châhrasala a ngia aw va chi,” tah ta.

ZAWSUA 1:6

“Thatlôpa nata riahphapa ta y teh. He sahlao he ama pathlatuhpazy hnohta pie awpa ta bie ei taihpa râh cha ryu ta na patosa aw ei.

ZAWSUA 21:42

Khihpizy ta a chaby liata sahroh tlaihna hnei chyu ei ta, khihpi zydua cha hawhta ama châ khai.

RYUREITUHPAZY 11:24

Nâ cha na khazoh Khemô ta hnei awpa ta râh a cha piepa kha na hnei awpa tlâ châ vei ma? Keimo deikua cha Abeipa eima Khazohpa ta eima hmiakô liata a chhu hapa râhzy eima hnei lymâ aw.

1 SAMUELA 12:8

Izi râh liata Zakaw â ngia hnôh lâna khata, châ pathlatuhpazy ta Abeipa awsao ei ta, Abeipa ta Mawsi nata Arawna tuah ta, âmo ta châ pathlatuhpazy cha Izi râh tawhta a chhi papua ei ta, he su liata ama vaw pahrâsa.