ZAWSUA 21:41 - Mara Bible RV (BSI)

⁴¹ Izarei sawzy ryuto râh hry liata Livai chi khihpizy cha, khihpi chabyzy chhaota, a zydua ta khih sypalih nata khih charie a châ.

ZAWSUA 21:41 ပူးပေါင်းရင်းမြစ်များ

ÂTHAONA 49:7

Ama pathichhiena cha chhiesapa ta y mawh sy, A tah tu pâ haw; Ama hiehâhna chhao chhiesapa ta y mawh sy, A ru tu pâ haw. Zakaw liata pachhaihpazaoh aw ei na ta, Izarei liata ei hiepatla aw ei.

1 THÂTIHZYRONA 6:64

Cha hawhna chata Izarei sawzy ta Livai chizy cha khihpizy nata a chheipâh si panyuna suzy pie ei ta.

RYHPACHANEINA 33:10

Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.

ZAWSUA 21:3

Chatanachata Abeipa biepiepa hawhta, Izarei sawzy ta ama ryuto râh tawhta, he khihpizy nata a chaby râhzy he Livai chizy ama pie.

ZAWSUA 21:40

Chazy cha Livai chi hropa Merâri pathlazy ta a pho pho ta ama topa khihpizy châ ei ta, ama topa cha a zydua ta khihpi miahrawh hleino a châ.

ZAWSUA 21:42

Khihpizy ta a chaby liata sahroh tlaihna hnei chyu ei ta, khihpi zydua cha hawhta ama châ khai.