ZAWSUA 21:1 - Mara Bible RV (BSI)

¹ Livai chi chhôhkha pawhrâhpazy cha theihthaipa Eliaza nata Nunâ sawchapawpa Zawsua nata Izarei chizy liata ama pho pawhrâhpazy lâ vawh ei ta,

ZAWSUA 21:1 ပူးပေါင်းရင်းမြစ်များ

ÂTHAONA 49:7

Ama pathichhiena cha chhiesapa ta y mawh sy, A tah tu pâ haw; Ama hiehâhna chhao chhiesapa ta y mawh sy, A ru tu pâ haw. Zakaw liata pachhaihpazaoh aw ei na ta, Izarei liata ei hiepatla aw ei.

PUASAINA 6:14

Hezy he Mawsi nata Arawna pathlatuhpa chhôhkha luhpazy ama châ: Izarei sawchapaw uhtheipa Rubena sawchapawzy cha Hanô, Pâluh, Hezrô nata Kâmi zy châ ei ta, chazy cha Rubena phozy ama châ.

PUASAINA 6:25

Arawna sawchapawpa Eliaza ta Putie sawchanôzy hry liata pakha lapinô ta hnei ta, ano ta Phinehâ sapa ta. Chazy cha ama pho tawhta a laichadaipa ta, Livai chizy pathlatuh thabypazy ama châ.

MALUHREINA 35:1

Zerikô dady Zawdâh kiapâh Môabâ bypi liata Abeipa ta Mawsi bie a chho ta, a hnohta,

MALUHREINA 35:8

Izarei sawzy nama pie awpa ryuto râhzy tawhta, ama ryuto râh lai nata chyh mopa ta, chi lai viapazy tawhta râh lai via la aw ei chi ta, chi chyh viapazy tawhta râh chyh via la aw ei chi ta, Livai chi hnohta khihpizy ama pie chyu aw,” tah ta.

ZAWSUA 14:1

Hezy he Izarei sawzy ta Kâna râh liata ryu ta ama topa râhzy a châ. Theihthaipa Eliaza, Nunâ sawchapawpa Zawsua nata Izarei chizy liata ama pho pawhrâhpazy ta, he râhzy he Izarei sawzy hnohta ama rai.

ZAWSUA 17:4

Zelôphehâ sawchanôzy ta theihthaipa Eliaza nata Nunâ sawchapawpa Zawsua nata chhituhpazy lâ vawh ei ta, ama hnohta, “Eima rilâhpazy hry liata ryuto râh miah pie hra awpa ta Abeipa ta Mawsi kha bie a pie,” tah ei ta. Chatanachata Abeipa pakah bie hawhta, Zawsua ta âmo cha ama paw unawhzy hry liata ryuto râh a pie hra ei.

ZAWSUA 19:51

Chazy cha theihthaipa Eliaza, Nunâ sawchapawpa Zawsua nata Izarei chizy liata pho pawhrâhpazy ta Silô khihpi liata ahmaohna poh o chhikao liata Abeipa hmiakô ta nuby a daopa ta ryuto râh ama raipazy a châ. Cha hawhna chata râh araina cha ama patlô haw.