ZAWSUA 20:9 - Mara Bible RV (BSI)

⁹ Cha khihpizy cha Izarei sawzy nata ama hry liata chihropa a ypazy châta abohna khihpizy ta raopa châ ta, ahy rai chyhsa a thie pathleipa cha, zawpi hmiakô liata â dua hlâta thisaih phuh latuhpa ku liata a thi lei nawpa ta, cha khihpi lâ cha â râ awpa a châ.

ZAWSUA 20:9 ပူးပေါင်းရင်းမြစ်များ

MALUHREINA 35:13

Khihpi nama pie awpazy tawhta abohna khihpi miacharu nama rao aw.

MALUHREINA 35:15

Cha khihpi miacharupazy cha, Izarei sawzy châta abohna khihpizy châ aw ei ta, chihropa nata ama hnohta a pahrâpazy châta abohna khihpizy châ hra aw ta, chyhsa a thie tlamawpa maihta amâ râ nawpa khihpizy a châ aw.

ZAWSUA 20:4

Chyhsa a thie pathleipa cha abohna khihpizy hry liata miakha lilaw lâ a râ aw ta, khihpi hawka chhikao liata a kei duah aw ta, khihpi machâzy theina liata a thâtih a reih aw. Machâzy ta ama hnohta khih chhôh lâ a chhi aw ei ta, a y nawpa su pie aw ei ta, ama hnohta a pahrâ aw.

ZAWSUA 20:6

A thâtih pachia awpa ta, zawpi hmiakô liata â duah hlâta nata cha daihti liata theihthaipa beichaipa a thi hlâlei abohna khihpi liata a y aw. Cha khai tawhta chyhsa thietuhpa cha â râsaipa khihpi, ano khih lâ a lie heih aw ta, ano o lia tlai â ngia heih aw,” tah ta.

ZAWSUA 20:8

Zawdâh haosâ Zerikô nochhi lâta Rubena chi pahrâna râhchawhpa tlâhby liata a ypa Beze khihpi, Kâdâ chi Kilia râh liata Ramô khihpi nata Manase chi Bâsanâ râh liata Kôlâ khihpizy chhao abohna khihpizy châta ama rao hra.