ZAWSUA 2:9 - Mara Bible RV (BSI)

⁹ ama hnohta, “He râh he Abeipa ta a cha pie ha ei tahpa ei pahno. Nâmo china ta miah chanaoh ha ta, he râh liata a pahrâpa zydua nama hmiakô liata ama zao khai haw.

ZAWSUA 2:9 ပူးပေါင်းရင်းမြစ်များ

ÂTHAONA 35:5

Chatawhcha sie ei ta, Khazohpa chichhihna ta ama chheipâh khihzy cha bie khai ha ta, Zakaw sawchapawzy cha a chadai veih ei.

2 SAMUELA 17:10

chakeibarôhneipa palôh a phaohpa pasaiphazy palôh taihta a dua khai ha aw. Na paw cha chyhsa thatlôpa châ ta, a hnohta a ypazy chhao pasaiphazy ama châzie Izarei zydua ta pahno khai tlôh ei ta.

2 ABEIZY 5:15

Chatawhcha Nâmâ cha a sahlao zydua chhaota Kha­zohpa chyhsa yna lâ a lie ta. A tlô nahta, a hmiakô liata a kei duah ta, a hnohta, “Izarei lia dei leipa ta cha, khizaw zydua liana heta Khazohpa rai y vei tahpa ei pahno haw. Chavâta châ chakaotuhpa kuhria he a hlâh mah y,” tah ta.

2 ABEIZY 7:6

Abeipa ta Aramia pheisaihzy cha talailih pyuzy, arâ pyuzy, pheisaih hluhpi pyuzy patheisa ta, chavâta âmo nata âmo a chho ei ta, “Pachâ teh u, keimo miah siehnao awpa ta, Izarei bei ta Hiti beizy nata Izi beizy a hrua ha ei hih,” tah ei ta.

NEHEMIAH 6:16

Thokhy palohna thâtih cha eima chariahpazy ta ama thei nahta, eima Khazohpa baona ta palohpa a châzie ama pahnopa vâta, eima chheipâh phopi zydua cha chi ngaita ei ta, âmosasyh angâna chhao a tlapahnai khai haw.

ESTHERI 8:17

Abei biepiepa nata abei châpapuapa tlôna râh to nata khihpi to liata Zuzy cha thaphana nata alyna ta ama bie. Kyhchhizy taopa ta, apahâna nohzy phuah ei ta. Cha râh liata a ypa phopizy hry tawhta chyhsa hluhpi cha, Zuzy china ta a tla thlupa vâ ei ta, Zu chyhsa lâta amâ palie hôlô.

ZAWBÂ 19:25

Nâ Chatlaituhpa cha a hroh tahpa ei pahno, Achhâna liata la ano ta alei chô liata einâ duakhei aw.

HLAZY 112:10

Moleipa ta cha cha hmô aw ta, A hie a hâh ngaita aw; A hâh charieh aw ta, A zao khai ha haw; Moleipa khona cha a leidia aw.

HLAZY 115:16

Avâzy khi Abeipa vârâh châ ei ta, Alei deikua he chyhsa sawzy a pie ei.

PUASAINA 18:11

Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

PUASAINA 23:27

Na hmia lâta ei chichhihna pasiesa aw na ta, na tlô awpa liata phopi zydua ama nô papo aw na ta, na khakhaipa zydua na hmiakô tawhta ei parâpaisa aw ei.

BIECHHOTUHPA 8:12

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

ISAI 23:5

Bie pathâhpa cha Izi râh a tlô tita, Tyre kyh vâta thata ama palôh a pasa aw.

ZEREMIAH 27:5

“Alei nata a chhôh liata a ypa chyhsapa nata sazy he, kei ta ei hmotaotheina rônah ngaitapa nata ei bâh pazawhpa ta ei taopazy châ ei ta, pie tlâhpa ta ei raopazy hnohta ei pie ei.

NÂHU 2:10

Roryhrapa ta y ta, Roryhrana nata raona ta a bie; Palôhzy zao ta, Pakhuzy â chakhyh; Chai zydua pasa ta, Hmia zydua a hlâh khai haw.

MALUHREINA 20:14

Mawsi ta Kâdesâ tawhta Edômâ bei lâ lyuhchâpa tuah ta, “Na unawhpa Izarei ta hetana heta a tah: Eima chô liata rairuna a tlôpa zydua na pahno khai.

MALUHREINA 20:24

“Arawna cha a chiheihzy hnohta pahlyhpa a châ aw. Meribâ tizy liata ei biepiepa namâ dyuhpa vâna khata, Izarei sawzy ei piepa râh liata a ngia aw vei.

MATHAI 20:15

Kei eih châ ta, kei eih cha ei khozie hawhta tao thei va na ma? Ei riaphapa ma na hiatlia kaw?’ tah ta.

RYHPACHANEINA 11:25

Ahy ta hmah cha pahnie aw veih ei. Nama hnohta a reipa hawhta, Abeipa nama Khazohpa ta nama tlô awpa râh zydua liata nâmo china nata nâmo vâta thlazohna a paysa aw.

RYHPACHANEINA 2:25

Tanoh he avâ ry liata phopi zydua chô liata nâma china nata thlazohna paysa aw na ta, na thâtih a theipa maih a chalyu aw ei ta, nâma vâta pachârôh ngaitapa ta ama y aw,’ tah ta.

RYHPACHANEINA 28:10

Chatanachata Abeipa moh bipa nama châpa khizaw phopi zydua ta hmô aw ei ta, ama cha chi aw.

RYHPACHANEINA 32:8

Chônôchaipa ta phopizy ama ryuto râh pie ta, Âdâh pathlazy a pachhaih nona khata, Khazohpa sawchapawzy maluh hawhta, Phopizy châta râhri a pakhâh.

HEBRAI 11:31

Ngiapâna ta âzuahnô Rahâbi cha, mohparutuhpazy a phapa ta â lypa vâta, ngiapâleipazy hry liata leidia vei.

ZAWSUA 2:11

Cha thâtih cha eima theipa nahta, Abeipa nama Khazohpa cha chô lâ avâ liata nata a ry lâ alei liata Khazohpa a châpa vâta, eima pathipalôhzy zao khai ha ta, nâmo vâta palôh a pachyu theipa ahy hmah y khao veih ei.

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

ZAWSUA 2:8

Mohparutuhpazy amâ zia hlâta, Rahâbi cha ama yna vâphuh lâ khy ta,

ZAWSUA 5:1

Izarei sawzy Zawdâh ama chaka khai hlâlei Abeipa ta Izarei sawzy hmiakô liata Zawdâh tizy a pakua tahpa thâtih cha, Zawdâh haosâ notla lâta a ypa Amawri bei zydua nata tilaipi kiah liata a ypa Kâna bei zydua ta ama thei nahta, Izarei sawzy vâta ama pathipalôh zao khaipa ta, ama thlah a hua khai ha ta.

ZAWSUA 6:2

Abeipa ta Zawsua hnohta, “Moh teh, Zerikô khihpi cha a khih bei nata a chyhsa thatlô riahphapazy chhaota na ku liata ei cha pie haw.

ZAWSUA 9:10

Zawdâh haosâ liata Amawri bei pano, Hesbaw bei Sihaw nata Astarô liata a ypa Bâsanâ bei Ôkâ chô liata a hmotaopa zydua eima thei.

ZAWSUA 9:24

Âmo ta Zawsua cha a chhy ei ta, “Râh zydua he nâmo cha pie awpa nata râh liata a pahrâpa zydua nama hmiakô tawhta pahleipadia khai awpa ta, Abeipa na Khazohpa ta a chakaotuhpa Mawsi hnohta bie a pie tahpa a sia ngaitapa ta pahno pi ta, nâmo vâta eima hrona pahlei awpa eima chi ngaita. Chavâta kha hawhta eima taopa a châ.

ZAWSUA 9:9

Âmo ta a hnohta, “Châ chakaotuhpazy he Abeipa na Khazohpa moh vâta râh hlapi tawhta a vypa eima châ. A thâtih vaw thei pi ta, Izi râh liata a hmotaopa zydua nata

RYUREITUHPAZY 7:14

A viasapa ta a chhy ta, “Cha cha hmo hropa châ vei. Izarei chyhsa Zôasâ sawchapawpa Kidia zaozi a châ chuh. Khazohpa ta Midia mo nata riehmo zydua he a ku liata a pie ha chuh,” tah ta.