ZAWSUA 2:6 - Mara Bible RV (BSI)

⁶ Rahâbi ta a khichhaizy cha vâphuh lâ a chhi ta, vâphuh liata pala kô a chahypa ry liata nyu ta.

ZAWSUA 2:6 ပူးပေါင်းရင်းမြစ်များ

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

2 SAMUELA 17:19

Chanô ta tikhaoh cha a phiehru ta thlai chhiehruh ta, a chô liata sâh zawh ta, tikhaoh a y tahpa chhao pahno thei awpa châ khao leipa ta.

1 ABEIZY 18:13

Zezebel ta Abeipa hrohsopazy a thie nota ei hmotaopa, Abeipa hrohsopazy hry liata chyhsa za kha, sypangawh sypangawh ta, lôpu liata nyu ei na ta, viahchhâ nata ti ta ei pasazie zy ei kha, ei zibeipa hnohta cha chho veih ei tlyma?

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

2 ABEIZY 11:2

Ahazia sawchapawpa Zôasâ deikua cha, Bei Zôrâ sawchanô Zehôsebâ, Ahazia sietanô ta abei sawchapaw ama thie awpazy hry tawhta lapapua ta, ano nata a mokhâhtuhpa cha aziana chhôhpadâhpa liata nyu ta. Athaliah ta a hmô thei lei nawpa ta nyu ha ta, chavâta Zôasâ cha thiepa châ vei.

PUASAINA 2:2

Chanô cha saw phaoh ta, sawchapaw sa ta, hawsaih khochhih kawpa a châpa a nô ta hmô ta, thla thôh nyu ta.

ZEREMIAH 36:26

Chatawhcha abei ta abei sawchapawpa Zerame nata Azarie sawchapawpa Seriah nata Abade sawchapawpa Selemiah zy cha, chârohtuhpa Bâruka nata hrohsopa Zeremiah patu awpa ta biepie ta. Châhrasala Abeipa ta âmo cha a nyu ha ei.

MATHAI 24:17

O chô liata a ypa ta o chhôh liata hmo la awpa ta chô leipa sala,

RYHPACHANEINA 22:8

“O thiehpa nama sa tita, o chô tawhta chyhsa tla tlamawpa ta, nama o liata thisaih maoh nama paysa lei nawpa ta, o chô cha bâkhâh ta nama dôh awpa a châ.

KAOLAOSÂ 3:3

Thi ha ei chi ta, nama hrona cha Khazohpa liata Krista hnohta nyupa ta a y haw.

HEBRAI 11:23

Ngiapâna ta Mawsi a pi nona kha, hawsaih hmipha kawpa ta ama hmôpa vâta, a nôpawzy ta thla thôh chhôh nyu ei ta, bei biepiepa chhao chi veih ei.

ZÂMIE 2:25

Cha hawhna chata âzuahnô Rahâbi chhao kha, lyuhchâpazy a vaw ly ta, lâpi hropa lâta a pasiesapa liana khata, hmotaopa vâta thai pachâsapa a châ!

ZAWSUA 2:5

Vaw zoh ta, khihpi thokhy chhikao khaw chy ta, ama pua haw. Khataih lâ ma ama sie tahpa pahno va na. A chadai para u la, nama pha thlâh ha aw,” tah ta.

ZAWSUA 2:7

Zerikô bei chyhsazy ta Zawdâh chakana su taihta mohparutuhpazy cha a chadai ei ta. Chadaituhpazy ama puapata nahta, thokhy chhikao khaw ha ei ta.

ZAWSUA 2:8

Mohparutuhpazy amâ zia hlâta, Rahâbi cha ama yna vâphuh lâ khy ta,

ZAWSUA 6:25

Âzuahnô Rahâbi nata a paw chhôhkha nata a hneipa zydua deikua cha, Zawsua ta pahlôh khai ta. Rahâbi deikua cha, Zawsua ta Zerikô khihpi mohparu awpa ta a tuapa lyuhchâpazy a vaw nyupa vâta, tanoh taihta Izarei hry liata a pahrâ haw.