ZAWSUA 2:24 - Mara Bible RV (BSI)

²⁴ Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

ZAWSUA 2:24 ပူးပေါင်းရင်းမြစ်များ

PUASAINA 15:15

Edômâ beizy chihuhpa ta y ei ta, Môabâ pasaiphazy amâ chalyu; Kâna mo zydua chipa ta ama zao khai haw.

PUASAINA 23:31

Tilaipi Saihpa tawhta Philistinâ mo tilaipi taihta nata râhchawhpa tawhta Ufrâti chavah taihta na râhri châta ei cha taopa aw. Cha râh liata a pahrâpazy cha, na ku liata cha pie aw na ta, âmo cha na hmiakô tawhta na papua awpa a châ.

BIESOZY 25:13

A tuahtuhpa châta lyuhchâpa ngâchhihpa cha, Sâh hria daihti liata dâhaw chakuapa hawhta châ ta, A zibeipazy hro a palysa tyh.

ZAWSUA 1:8

Ryhpa Châbu heta na pakah a puasai awpa châ leipa ta, a chhôh liata bieropazy chhô nah zâ ta tlao na pachâ awpa a châ. Chatanachata ryhpa biezy cha pakhâta ta na zyh thei aw. Cha hawhta na tao khiahta cha, na lâpizy patlâ aw ta, na hlao a tloh aw.

ZAWSUA 2:23

Mohparutuhpa pano cha a lie ei ta. Tlâhpi tawhta za chô ei ta, chavah chaka ei ta, Nunâ sawchapawpa Zawsua kô kei tlô ei ta, ama chô liata hmo a tlôpa zydua chho ei ta.

ZAWSUA 5:1

Izarei sawzy Zawdâh ama chaka khai hlâlei Abeipa ta Izarei sawzy hmiakô liata Zawdâh tizy a pakua tahpa thâtih cha, Zawdâh haosâ notla lâta a ypa Amawri bei zydua nata tilaipi kiah liata a ypa Kâna bei zydua ta ama thei nahta, Izarei sawzy vâta ama pathipalôh zao khaipa ta, ama thlah a hua khai ha ta.

ZAWSUA 6:2

Abeipa ta Zawsua hnohta, “Moh teh, Zerikô khihpi cha a khih bei nata a chyhsa thatlô riahphapazy chhaota na ku liata ei cha pie haw.

ZAWSUA 8:1

Abeipa ta Zawsua hnohta, “Chi leipa la, thlazohpa ta y hra khah y. Adyuhna lâ a sie thei awpa chyhsa zydua na hnohta a chhi la, thyu la, Ai khihpi lâ sie teh. Pachâ teh, Ai khih bei nata a chyhsazy, a khihpi nata a râh na ku liata ei cha pie haw.

RYUREITUHPAZY 1:2

Abeipa ta, “Zudâh sie mawh sy. Râh cha a ku liata ei pie haw,” tah ta.

RYUREITUHPAZY 18:10

Nama sie tita, chhôhmohpa ta a ypa chyhsazy nama kei hmô aw, a râh chhao a kawh ngaita. Khazohpa ta râh cha a cha pie ha ei, alei liata hmo a ypa khâpa hmah a phahla leina su a châ,” tah ei ta.

RYUREITUHPAZY 7:9

Cha zâ ta Abeipa ta Kidia hnohta,“Thyu la, Midia mo riehmo za chho teh. Na ku liata ei cha pie haw.