ZAWSUA 2:19 - Mara Bible RV (BSI)

¹⁹ Ahy rai na o chhikao tawhta khiliah lâ a puapa maih cha, a thisaih maoh ano luh chô liata y aw ta, keimo cha thailei châ aw ma pi. O chhôh liata na hnohta a ypa chô liata ku pathlapa a châ khiahta deikua cha, a thisaih maoh cha eima luh chô liata a y aw.

ZAWSUA 2:19 ပူးပေါင်းရင်းမြစ်များ

2 SAMUELA 1:16

Dâvi ta a hnohta, “Na thisaih maoh cha na luh liata y mawh sy. ‘Abeipa sathawthupa ei thie,’ na tahpa vâta, nâma pakah tlai ta thailei a cha pachâ haw,” tah ta.

2 SAMUELA 4:11

Chyhsa moleipazy ta chyhsa siapa ano o chhôh liata a rakhô lia cheingei ta ama thiepa cha, moleina rarôh y chaipa a châ. Chavâta a thisaih maoh nama ku tawhta a hnaw aw na ta, alei tawhna heta ei cha pahleipadia thlyu aw ei” tah ta.

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

PUASAINA 12:13

Thisaih cha nâmo châta nama yna o ngiana châ aw ta, thisaih ei hmô khiahta cha, ei châ zaw pakhô ha aw ei. Chatanachata Izi râh ei tu tita, nâmo chô lia deikua cha, châ pahleipadia awpa khâpa hri hmah vaw tlô aw vei.

PUASAINA 12:22

Hisaw ty la aw ei chi ta, rahô liata thisaih liata ny aw ei chi ta, rahô liata thisaih cha ochhi tlâh liata nata ochhi tôh miano liata nama hnia aw. Khihdei hlâlei cha, ahy hmah ama ochhi tawhta ama pua awpa châ vei.

PUASAINA 12:23

Abeipa ta Izi mo thie awpa ta vaw chahryh aw ta, ochhi tlâh nata ochhi tôh miano liata thisaih hniapa a hmô tita, Abeipa ta ochhi cha a zaw pakhô aw ta, pahleipadiatuhpa cha nâmo thie awpa ta nama o liata pangiasa aw vei.

THEIHTHAINA 20:11

A paw lapinô a ziakheipa cha, a paw dua a thliapa châ ta, ama pano ta thie thlyu awpa a châ. Ama thisaih maoh ama phaoh aw.

THEIHTHAINA 20:9

A nô tlyma, a paw tlyma, chhie a sapa cha thie thlyu awpa a châ. A nô tlyma, a paw tlyma chhie a sapa vâta, a thisaih maoh a phaoh aw.

MATHAI 24:17

O chô liata a ypa ta o chhôh liata hmo la awpa ta chô leipa sala,

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

HMOTAOPAZY 20:26

Chavâta chyhsa zydua thisaih liata ei pathaih tahpa tanoh ei cha chho ei.

HMOTAOPAZY 27:31

Pawla ta pheisaih za kha hyutuhpa nata pheisaihzy hnohta, “He sahlao he balyh liata ama y thlâh ha leipa khiahta cha, a boh aw veih ei chi,” tah ta.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

ZAWSUA 2:12

Chavâta tahmâ Abeipa moh ta bie einâ taih awpa ei chi ta ei châ haw ei. Kei ta nama chô liata ngiachhiena ei palâsapa hawhna heta, nâmo chhao ta ei paw chhôhkha chô liata ngiachhiena palâsa awpa ta bie nâ taih u la, ei lôh thei nawpa ta ngiana na pie teh u.

ZAWSUA 2:14

Mohparutuhpazy ta a hnohta, “Eima hmotaopa he nama reih leipa khiahta cha, eima hrona ta nama hrona cha pachha aw pi ta, eima thipa chhao ta eima thi aw. Abeipa ta râh he miah a pie tita, cha ngiachhie aw pi ta, na chô liata ngâchhih ngaitapa ta eima tao aw,” tah ei ta.

ZAWSUA 2:20

Eima hmotaopa he na reih khiahta deikua cha, bie miah na pataihsapa heta miah chahry leipa aw ta, thailei châ aw ma pi,” tah ei ta.