ZAWSUA 2:14 - Mara Bible RV (BSI)

¹⁴ Mohparutuhpazy ta a hnohta, “Eima hmotaopa he nama reih leipa khiahta cha, eima hrona ta nama hrona cha pachha aw pi ta, eima thipa chhao ta eima thi aw. Abeipa ta râh he miah a pie tita, cha ngiachhie aw pi ta, na chô liata ngâchhih ngaitapa ta eima tao aw,” tah ei ta.

ZAWSUA 2:14 ပူးပေါင်းရင်းမြစ်များ

ÂTHAONA 24:49

Chavâta tahmâ ei zibeipa cha nama ngiachhie thei awpa nata a chô liata â dopa ta nama tao awpa khiahta cha, na chho u la, nama tao lei awpa a châpa chhao rai ta, na chho hra teh u. Chatanachata chachâh lâ tlyma, chavei lâ tlyma ei heih thei aw,” tah ta.

ÂTHAONA 47:29

Izarei cha a thi nawpa daihti â hnia nahta, a sawchapawpa Zawsi aw ta, a hnohta, “Na modypa ei châ khiahta cha, ngiachhiepa ta na ku kha ei byhpi ry liata vaw chahraoh la, ei chô liata nôphapa nata âdopa ta tao awpa ta bie nâ taih mah y. Izi râh liana he rie na pabu cheita khah y.

2 SAMUELA 2:5

Dâvi ta Zabekilia mo lâ chyhsa tuah ta, ama hnohta, “Nama zibeipa Sawla chô liata nama ngâchhihna palâsapa ta, a ri nama pabupa vâta Abeipa ta byhnâ cha pie mawh ei sy.

2 SAMUELA 2:6

Abeipa ta nama chô liata phana nata ngâchhihna palâsa mawh sy! He hmo nama taopa vâna heta, kei chhao ta phana ta ei cha thô aw ei.

2 SAMUELA 9:1

Dâvi ta, “Zawnathâ vâta a pathlazy chô liata ngiachhiena ei palâsa thei nawpa ta, Sawla pathlazy hry liata a hrohpa pakha chhâ ama y tlyma i?” tah ta.

1 ABEIZY 20:39

Abei a vaw tlô nahta, abei cha awsao ta, a hnohta, “Châ chakaotuhpa he adyuhna rupa su lâ vawh na ta, chyhsa pakha a vaw heih ta, kei lâta chyhsa pakha a vaw chhi ta, ei hnohta, ‘He chyhsa he vaw vaih mah y, a lei khiahta cha, ano hrona vyuhpa ta nâma hrona lapa a châ aw, a châ vei khiahta cha, tâkâ talent miakha na pie awpa a châ,’ na tah ta.

BIESOZY 14:22

Hmo pha leipa tao a chhuahpazy cha viavi tyh ei ta, Hmo pha tao a chhuahpazy deikua cha kyhpachâna nata biehmeiseihpa ama hlao tyh.

BIESOZY 18:24

Viasa hluhpi hneipa cha raona châ thei ta, Châhrasala unawh hlâta â i viapa viasa a y.

MATHAI 5:7

“Zawngiah theipazy ama nohlao na, zawngiahna ama hmô awpa vâta.

HMOTAOPAZY 23:22

Pheisaih hyutuhpa ta satlia cha pasiesa ta, a hnohta, “Cha biezy cha eina pahnosa chi tahpa ahy hmah chho khah y,” tahpa ta biepie ta.

ZAWSUA 2:13

Chatanachata ei nô nata ei paw, ei rilâhpazy, ei narôzy nata ama chhôhkha zydua pahlôhpa châ aw ei ta, thina tawhta eima hrona miah nama pachha ha aw,” tah ta.

ZAWSUA 2:15

Rahâbi o cha khihpi thokhy pahniehpa ta sapa châ ta, thokhy chô liata a ypa a châpa vâta, chaori pangieh ta, mohparutuhpazy cha opy lâ tawhta pachôsa ta.

ZAWSUA 6:17

Khihpi he a chhôh liata a ypa zydua chhaota Abeipa lâ hlâ ta, parao khai awpa a châ. Âzuahnô Rahâbi deikua cha, eima tuapa lyuhchâpazy a vaw nyupa vâta, ano nata a o liata a ypa zydua pahlôh awpa a châ.

ZAWSUA 6:22

Râh mohparutuhpa chyhsa pano hnohna khata Zawsua ta, “Âzuahnô o liana hao a kei ngia u la, a hnohta bie namâ taihpa hawhna khata, a chhôhkha zydua chhaota puakhei teh u,” tah ta.

ZAWSUA 6:25

Âzuahnô Rahâbi nata a paw chhôhkha nata a hneipa zydua deikua cha, Zawsua ta pahlôh khai ta. Rahâbi deikua cha, Zawsua ta Zerikô khihpi mohparu awpa ta a tuapa lyuhchâpazy a vaw nyupa vâta, tanoh taihta Izarei hry liata a pahrâ haw.

1 SAMUELA 20:8

Châ chakaotuhpa he Abeipa biehrai liata a ngiakhei ha chi ta, chavâta châ chakaotuhpa chô liana he ngiachhiena rie palâsa mah y. Thaileichâna ei hnei khiahta deikua cha, nâma tlai ta na thie thlâh ha mah y, khazia na paw lâ cha einâ chhi ngâ kaw aw chi?” tah ta.