ZAWSUA 2:12 - Mara Bible RV (BSI)

¹² Chavâta tahmâ Abeipa moh ta bie einâ taih awpa ei chi ta ei châ haw ei. Kei ta nama chô liata ngiachhiena ei palâsapa hawhna heta, nâmo chhao ta ei paw chhôhkha chô liata ngiachhiena palâsa awpa ta bie nâ taih u la, ei lôh thei nawpa ta ngiana na pie teh u.

ZAWSUA 2:12 ပူးပေါင်းရင်းမြစ်များ

ÂTHAONA 21:23

Kei ta na chô liata phana ei palâsapa hawhna heta, nâ chhao kei nata na khichhai châna râh chô liana heta phana palâsa hra mah y. Kei nata ei sawzy nata ei pathlazy chô liata â doleipa ta tao lei awpa ta, tahmâ Khazohpa moh ta bie nâ taih mah y,” tah ta.

ÂTHAONA 24:3

Lei nata vâ Khazohpa Abeipa moh ta bie cha pataihsa awpa ei khoh. Ei sawchapawpa lapinô châta ei pahrâna Kâna zuah na hiapa awpa châ vei.

ÂTHAONA 24:9

Chatawhcha chakaotuhpa ta a zibeipa Abarahâ byhpi ry liata a ku chahraoh ta, cha kyh liata a hnohta bie a taih ta.

ÂTHAONA 40:14

Phana na to tita, nâ thei thlâh ha la, ngiachhiepa ta ei chô liata phana palâsa la, Phiraoh hnohta ei thâtih reih la, he o tawhna heta rie na papua mah y.

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

ESTHERI 8:6

Ei chiheih chô liata chhiena a tlôpa hmô aw sah la, kheihta ei tao thei aw? Ei chiheihzy leidiapa hmô aw sah la, kheihta ei tao thei aw?” tah ta.

PUASAINA 12:13

Thisaih cha nâmo châta nama yna o ngiana châ aw ta, thisaih ei hmô khiahta cha, ei châ zaw pakhô ha aw ei. Chatanachata Izi râh ei tu tita, nâmo chô lia deikua cha, châ pahleipadia awpa khâpa hri hmah vaw tlô aw vei.

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

MÂKA 14:44

A patusatuhpa ta, “Ei pahnâpa cha nama patu khohpa cha a châ aw. Patu u la, a phapa ta vaihpa ta a chhi muh vy,” tahpa ta ama hnohta ngiana vaw pie chhielie ha ta.

RAWMA 1:31

ahrupa, ngiapâ leipa, palôh a hnei leipa nata zawngiahna a hnei leipazy ama châ.

1 TIMAWTHY 5:8

Sanawh a chyh leipa chyhsa, a eih pachaipa ta a chhôhkhazy a chyh leipa chyhsa cha, ngiapâna a paphasaipa châ ta, ngiapâleipa hlâ chhao ta a chhie via.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

ZAWSUA 2:13

Chatanachata ei nô nata ei paw, ei rilâhpazy, ei narôzy nata ama chhôhkha zydua pahlôhpa châ aw ei ta, thina tawhta eima hrona miah nama pachha ha aw,” tah ta.

ZAWSUA 2:18

Nathlie teh, he râh eimâ vaw ngia tita, pala saihpa he miah na pangiehna opy liana he vaw chahry aw chi ta, na nô nata na paw, na rilâhpazy nata na paw chhôhkha zydua cha na o chhôh liata na paysa khai aw ei.

ZAWSUA 2:19

Ahy rai na o chhikao tawhta khiliah lâ a puapa maih cha, a thisaih maoh ano luh chô liata y aw ta, keimo cha thailei châ aw ma pi. O chhôh liata na hnohta a ypa chô liata ku pathlapa a châ khiahta deikua cha, a thisaih maoh cha eima luh chô liata a y aw.

ZAWSUA 6:22

Râh mohparutuhpa chyhsa pano hnohna khata Zawsua ta, “Âzuahnô o liana hao a kei ngia u la, a hnohta bie namâ taihpa hawhna khata, a chhôhkha zydua chhaota puakhei teh u,” tah ta.

ZAWSUA 9:15

Chatanachata Zawsua ta âmo nata aryhna tao ta, pahlôh awpa ei ta ama hnohta bie hraih ta, zawpi hyutuhpazy chhao ta ama hnohta bie a taih ei ta.

RYUREITUHPAZY 1:24

Mohparutuhpazy ta chyhsa pakha khih chhôh tawhta a vaw puapa hmô ei ta, a hnohta, “Ngiachhiepa ta khih chhôh lâ angiana miah chho teh, na chô liata ngiachhiena eima palâsa aw,” tah ei ta.

1 SAMUELA 30:15

Dâvi ta a hnohta, “Cha pheisaihzy yna lâ cha einâ chhi thei aw chi ma?” tah ta. Ano ta, “Na thie lei awpa nata ei zibeipa ku liata na hlâ lei awpa ta, Khazohpa moh ta bie einâ taih khiah chi ta cha, pheisaihzy yna lâ cha ei châ chhi aw,” tah ta.