ZAWSUA 19:9 - Mara Bible RV (BSI)

⁹ Simeôna pathlazy ryuto râh cha Zudâh pathlazy tovyuh tawhta lapa a châ. Zudâh pathlazy tovyuh cha ama châta a kawh tu hapa vâta, Simeôna pathlazy cha Zudâh pathlazy ryuto râh tawhta pachhaihpa ama châ.

ZAWSUA 19:9 ပူးပေါင်းရင်းမြစ်များ

ÂTHAONA 49:7

Ama pathichhiena cha chhiesapa ta y mawh sy, A tah tu pâ haw; Ama hiehâhna chhao chhiesapa ta y mawh sy, A ru tu pâ haw. Zakaw liata pachhaihpazaoh aw ei na ta, Izarei liata ei hiepatla aw ei.

PUASAINA 16:18

Saikhua ta ama panua nahta deikua cha, a hluh via a huahpa ta laibâhpa hnei leipa ta, a chyh via a huahpa ta a phahla hlei vei. Chyhsa to ama nie khi chyu ta amâ huah khai.

EZEKIA 48:7

“Zudâh ta râh kha to aw ta, nochhi tawhta notla lâta Rubena nata amâ ri aw.

MALUHREINA 26:54

Maluh hluh viapa hnohta ryuto râh lai viapa pie aw chi ta, maluh chyh viapa hnohta ryuto râh chyh via na pie aw. Chi to hnohta ama maluh hluhnazie hawhta ryuto râh pie chyu awpa a châ.

ZAWSUA 19:10

Nuby a daopa miathôhna cha Zebulawna pathlazy ta a pho pho ta ama to awpa ta Zebulawna chô liata tlu ta. Ama ryuto râh cha Sâridâ taih a tlô.

ZAWSUA 19:8

Cha khihpizy chheipâh liata ama khichapeih zydua, Bâlâbe nata Râmâ chho lâ taihta amâ hlao. Chazy cha Simeôna chi ta a pho pho ta ama topa ryuto râhzy a châ.