ZAWSUA 19:51 - Mara Bible RV (BSI)

⁵¹ Chazy cha theihthaipa Eliaza, Nunâ sawchapawpa Zawsua nata Izarei chizy liata pho pawhrâhpazy ta Silô khihpi liata ahmaohna poh o chhikao liata Abeipa hmiakô ta nuby a daopa ta ryuto râh ama raipazy a châ. Cha hawhna chata râh araina cha ama patlô haw.

ZAWSUA 19:51 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 78:60

Silô liata a byureih siesai ta, Chyhsapa hry liata a pahrâna poh o a siesai haw.

MATHAI 20:23

Zisu ta ama hnohta, “Ei nyu cha nama doh thei ngyu aw, châhrasala ei chachâh lâ nata ei chavei lâta a tyuh awpa cha, kei ta ei pie awpa châ leipa ta, ei Paw ta â chhuahdypazy châta a châ,” tah ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

ZAWHÂNA 17:2

A hnohta na piepa zydua chhâzaw hrona pie awpa ta, ano cha chyhsa zydua chô liata biehneina na piepa a châ.

HMOTAOPAZY 13:19

Kâna râh liata phopi mia sari a panawh khai tawhta, Kâna mo râh cha ama ryuto râh châta a pie ei.

ZAWSUA 14:1

Hezy he Izarei sawzy ta Kâna râh liata ryu ta ama topa râhzy a châ. Theihthaipa Eliaza, Nunâ sawchapawpa Zawsua nata Izarei chizy liata ama pho pawhrâhpazy ta, he râhzy he Izarei sawzy hnohta ama rai.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

ZAWSUA 18:10

Zawsua ta Silô khihpi liana chata Abeipa hmiakô liata âmo châta nuby a dao ta. Cha liata Zawsua ta Izarei sawzy cha ama chi apachhaihna yzie hawhta râh cha rai ta.

ZAWSUA 20:1

Chatawhcha Abeipa ta Zawsua hnohta,

RYUREITUHPAZY 21:19

Chavâta Izarei sawzy ta, “Pachâ teh u, Silô liata kô chareih ta Abeipa kyhchhi y tyh ta, he he Bethel maw lâta y ta, Bethel tawhta Sekhe lâ siena lâlai nochhi lâ daih liata Lebônah chho lâta a ypa a châ,” tah ei ta.

RYUREITUHPAZY 21:21

Moh aw ei chi ta, Silô laihsazy ta lânazy liata lâ awpa ta ama vaw puapa nama hmô khiahta cha, kre zôhzy hry tawhta vaw pua aw ei chi ta, Silô laihsazy cha nama lapinô châta patu chyu aw ei chi ta, Benzami râh lâ nama siekhei aw.

1 SAMUELA 1:3

Cha chyhsa cha Pheisaihzy Abeipa a chhy awpa nata atheihna hlâ awpa ta ano khih tawhta Silô khih lâ kô chareih ta sie tyh ta. Eli sawchapawpa pano Hôphani nata Phinehâ zy cha Silô khih liata Abeipa theihthaipazy châ ei ta.