ZAWSUA 18:8 - Mara Bible RV (BSI)

⁸ Chyhsazy cha thyu ei ta, sie ha ei ta. Râh thâtih ro awpa ta a siepazy hnohta Zawsua ta, “Râh cha va chahryh u la, a thâtih roh khai u la, kei lâta vaw tlôkhei heih muh vy. He Silô khih liana heta Abeipa hmiakô liata nuby ei châ daopa aw ei,” tahpa ta biepie ta.

ZAWSUA 18:8 ပူးပေါင်းရင်းမြစ်များ

ÂTHAONA 13:17

Râh he ei cha pie awpa vâta, thyu la, a doh lâ nata a hâ lâ chahry khai mah y,” tah ta.

ISAI 34:17

Âmo châta nuby a dao ha ta, A ku ta chaori thlie ta, Ama tovyuh râh a pie chyu ei; Chhâzaw ta hnei aw ei ta, Chhâ zydua ta cha liata ama pahrâ aw.

RAWMA 14:19

Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

ZAWSUA 13:7

Chavâta tahmâ chi chakipazy nata Manase chi khophiezy hnohta he râhzy he ryuto châta rai mah y,” tah ta.

ZAWSUA 15:1

Zudâh chi ta a pho pho ta ama to awpa piepa râh cha chho lâta Edômâ râhri nata chho chhâna Zini râhchawhpa taihta a châ.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

ZAWSUA 18:10

Zawsua ta Silô khihpi liana chata Abeipa hmiakô liata âmo châta nuby a dao ta. Cha liata Zawsua ta Izarei sawzy cha ama chi apachhaihna yzie hawhta râh cha rai ta.

ZAWSUA 18:6

Râh cha su sari ta pachhaih aw ei chi ta, nama pachhaihzie cha he su liata kei lâ vaw tlôkhei aw ei chi ta, chatanachata he liata Abeipa eima Khazohpa hmiakô liata nuby ei châ daopa aw ei.

ZAWSUA 18:9

Chyhsazy cha sie ei ta, râh cha chahryh ei ta. Râh cha su sari ta pachhaih ei ta, su to chhôh liata khih zydua cha châbu liata roh khai ei ta. Cha khai tawhta Zawsua yna Silô khihpi liata riehmo lâ a vaw lie ei ta.

1 SAMUELA 14:41

Sawla ta, “Hy Abeipa, Izarei Khazohpa, khazia ma tanoh châ chakaotuhpa he na chyh-ei khoh vei tly? He moleina he keima chô liata tlyma, ei sawchapaw Zawnathâ chô liata tlyma a y khiahta cha, Hy Abeipa Izarei Khazohpa y, Uri châ sala, he moleina he na phopi Izarei chô liata a y khiahta deikua cha, Thumi châ mawh sy,” tah ta. Zawnathâ nata Sawla chô liata tlu ta, zawpi cha a hua ha ei ta.