ZAWSUA 18:6 - Mara Bible RV (BSI)

⁶ Râh cha su sari ta pachhaih aw ei chi ta, nama pachhaihzie cha he su liata kei lâ vaw tlôkhei aw ei chi ta, chatanachata he liata Abeipa eima Khazohpa hmiakô liata nuby ei châ daopa aw ei.

ZAWSUA 18:6 ပူးပေါင်းရင်းမြစ်များ

HLAZY 105:11

“Kâna râh cha pie aw na ta, Cha cha na ryuto râh a châ aw,” a tah.

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

BIESOZY 18:18

Nuby a daopa ta ahryuchhiana pachhâsa ta, A hryuh haipa thatlôpazy a pachhaih tyh ei.

MALUHREINA 33:54

A pho pho ta nuby a dao aw ei chi ta, râh cha ryuto châta namâ rai aw. Chi lai viapazy cha ryuto râh lai via pie aw ei chi ta, chi chyh viapazy cha ryuto râh chyh via nama pie aw. Nuby ta a tlupa hawhta ama tovyuh a châ lymâ aw. Ryuto râh cha châ pathlatuhpazy chi yzie lymâ hawhta nama to awpa a châ.

MALUHREINA 34:13

Mawsi ta Izarei sawzy biepie ta, ama hnohta, “Cha râh cha Abeipa ta chi chaki nata chi khophiepa pie awpa ta bie a piepa, nuby a daopa ta nama to awpa ryuto râh a châ.

HMOTAOPAZY 13:19

Kâna râh liata phopi mia sari a panawh khai tawhta, Kâna mo râh cha ama ryuto râh châta a pie ei.

ZAWSUA 14:2

Abeipa ta Mawsi hmâpa ta bie a piepa hawhta, chi chaki nata khophie to awpa râhzy cha nuby a daopa ta raipa a châ.

ZAWSUA 18:10

Zawsua ta Silô khihpi liana chata Abeipa hmiakô liata âmo châta nuby a dao ta. Cha liata Zawsua ta Izarei sawzy cha ama chi apachhaihna yzie hawhta râh cha rai ta.

ZAWSUA 18:7

Livai chi deikua cha, Abeipa theihthaina raihria cha ama ryuto a châpa vâta, nama hry liata tovyuh hnei aw veih ei. Kâdâ, Rubena nata Manase chi khophie chhao Zawdâh haosâ nochhi lâ liata Abeipa chakaotuhpa Mawsi ta ama ryuto râh a vaw piepa kha ama to hra,” tah ta.

ZAWSUA 18:8

Chyhsazy cha thyu ei ta, sie ha ei ta. Râh thâtih ro awpa ta a siepazy hnohta Zawsua ta, “Râh cha va chahryh u la, a thâtih roh khai u la, kei lâta vaw tlôkhei heih muh vy. He Silô khih liana heta Abeipa hmiakô liata nuby ei châ daopa aw ei,” tahpa ta biepie ta.