ZAWSUA 18:28 - Mara Bible RV (BSI)

²⁸ Zelâ, Helepha, Zebu khihpizy chhao amâ hlao. Zebu cha Zerusale a châ. Kiria­ziari nata Kibi khihpizy chhao a hlao ei ta, khihpi miahrawh hleipalih y ta, khichapeihzy ama hnei. Chazy cha Benzami pathlazy ta a pho pho ta ama to awpa ryuto râh a châ.

ZAWSUA 18:28 ပူးပေါင်းရင်းမြစ်များ

2 SAMUELA 21:14

Sawla ruzy nata a sawchapawpa Zawnathâ ruzy cha Benzami râh Zelâ khih liata a paw Kisâ thlâ liata pabu ei ta. Abei biepiepa zydua tao lymâ ei ta. Cha khai tawhta cha, Khazohpa ta râh châta thlahchhâna cha chyh-ei ha ta.

2 SAMUELA 23:29

Netôpha chyhsa Bânâ sawchapawpa Helebi, Benzami pathla Kibia khihpa Ribai sawchapawpa Itai,

2 SAMUELA 5:6

Chatawhcha abei nata a pheisaihzy cha Zebu mo a dyuh awpa ta Zerusale lâ sie ei ta. Zebu mo he, he râh liata a pahrâpa châ ei ta, Dâvi hnohta, “He liata a vaw ngia thei aw va chi, mochaopa nata pheisypazy ta ama cha pakhâ aw,” tah ei ta, “Dâvi cha he liata a vaw ngia thei beih aw vei,” tahpa ta ama vaw pachâpa a châ.

2 SAMUELA 5:8

Cha noh ta Dâvi ta, “Zebu mo a dyuhpa maih cha, ti lâpi khaoh lâ tawhta khy ei sala, pheisypa nata mochaopa, Dâvi hro ta â haopazy cha a kaw dyuh ei se,” tah ta. He he “Mochaopa nata pheisypazy cha o liata a ngia thei vei ei,” tahpa bie a vaw puana a châ.

1 THÂTIHZYRONA 8:28

Âmo cha ama chhâ chyu liata ama pathla pawhrâhpazy châ ei ta, Zerusale liata a pahrâpazy ama châ.

ISAI 10:29

Lytlâh khôna su liata khô ei ta, Kebâ khih liata amâ rie. Râmâ khihsawzy a chalyu ei ta, Sawla Kibia mo amâ râpai haw.

ZEREMIAH 6:1

Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

HÔSIA 10:9

Hy Izarei, Kibia nohzy tawhna khata molei ha chi ta, Cha liata ama molei lymâ. Chavâta adoleipazy adyuhna chariah ta Âmo cha khazia Kibia liata a pahnie aw veih ei?

MALUHREINA 26:38

A pho pho ta reipa ta, Benzami pathlazy cha, Belâ tawhta Belâ phozy, Asbe tawhta Asbe phozy, Ahirami tawhta Ahirami phozy;

MALUHREINA 26:54

Maluh hluh viapa hnohta ryuto râh lai viapa pie aw chi ta, maluh chyh viapa hnohta ryuto râh chyh via na pie aw. Chi to hnohta ama maluh hluhnazie hawhta ryuto râh pie chyu awpa a châ.

MALUHREINA 33:54

A pho pho ta nuby a dao aw ei chi ta, râh cha ryuto châta namâ rai aw. Chi lai viapazy cha ryuto râh lai via pie aw ei chi ta, chi chyh viapazy cha ryuto râh chyh via nama pie aw. Nuby ta a tlupa hawhta ama tovyuh a châ lymâ aw. Ryuto râh cha châ pathlatuhpazy chi yzie lymâ hawhta nama to awpa a châ.

ZAWSUA 15:63

Zerusale liata a pahrâpa Zebu mo deikua cha, Zudâh pathlazy ta papua thei veih ei. Chavâta Zebu mo cha tanoh taihta Zerusale liata Zudâh pathlazy nata hmaohkha ta ama pahrâ.

ZAWSUA 15:8

Cha tawhna chata râhri cha Hinô Sawchapawpa Saikao lâta khy ta, Zebu mo yna chho baikhaihpa taih tlô ta. Zebu he Zerusale a châ. Râhri cha Hinô notla lâta saikao kiapâh ta a ypa tlâh laki lâta khy ta. Cha cha Rephai maw lâta saikao chhâna a châ.

ZAWSUA 18:16

Cha tawhna chata râhri cha Hinô Sawchapawpa Saikao dady ta a ypa tlâh thaby lâta chô ta. Cha tlâh cha Rephai Saikao maw lâta a ypa a châ. Râhri cha Zebu mo khihpi chho baikhaihpa chapiapa ta Hinô Saikao lâta chô ta, Erôke liata a pua.

ZAWSUA 18:27

Reke, Ipelâ, Târalâ,

ZAWSUA 19:1

Nuby a daopa mianona cha, Simeôna chi ta a pho pho ta ama to awpa ta Simeôna chô liata tlu ta, ama to awpa râh cha Zudâh pathlazy ryuto râh chhôh liata a y.

RYUREITUHPAZY 1:21

Benzami pathlazy deikua, Zerusale khih liata a pahrâpa Zebu mo papua veih ei. Chavâta Zebu mo cha tanoh taihta Zerusale liata Benzami pathlazy nata hmaohkha ta ama pahrâ lymâ.

RYUREITUHPAZY 19:10

Châhrasala Livai chyhsa cha a rie khoh khao leipa ta, thyu ta, sie ta, Zebu khih dady kei tlô ta. Cha cha Zerusale khih a châ. Alâ pô no, ky padia chiehpa a chhi ta, a nôtho chhao cha a hnohta sie hra ta.

1 SAMUELA 10:26

Sawla chhao Kibia khih liata ano o lâ a di ha hra ta. A hnohta pasaipha, Khazohpa ta ama pathipalôh a hriapazy sie hra ei ta.