ZAWSUA 18:1 - Mara Bible RV (BSI)

¹ Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

ZAWSUA 18:1 ပူးပေါင်းရင်းမြစ်များ

2 SAMUELA 7:6

Izarei sawzy Izi râh tawhta ei kaw chhi papua noh tawhta tanoh taihta o liata pahrâ mâh va na, poh o liata nata achhyna byureih liata ei pasiepasâ lymâ.

1 ABEIZY 14:2

Zerôbaw ta a lapinô hnohta, “Thyu la, Zerôbaw lapinô a châ tahpa ama cha pahno lei nawpa ta a panano la, Silô lâ vawh teh. Cha liata hrohsopa Ahiza y ta, ano cha he phopi chô liata bei ta ei y awpa ei thâtih a reituhpa kha a châ.

1 ABEIZY 14:4

Zerôbaw lapinô ta cha hawh­ta tao ta. Thyu ta, Silô lâ sie ta, Ahiza o cha kei tlô ta. Ahiza cha a machâ hapa vâta a mo zoh ha ta, hmô thei khao leipa ta.

1 ABEIZY 2:27

Sawlawmaw ta Abiathâ cha Abeipa theihthaipa a châna pabâh ta, chatanachata Abeipa ta Eli chhôhkha kyh Silô liata a reipa kha a vaw tlôpa a châ.

NEHEMIAH 9:24

Chatanachata ama pathlazy ta a ngia ei ta, râh cha ama hnei. Râh liata a pahrâpa Kâna mozy ama hmiakô liata panawhsa chi ta, ama khopa hawhta tao awpa ta, cha râh liata phopizy nata ama beizy cha Izarei sawzy ku liata na pie ei.

HLAZY 78:60

Silô liata a byureih siesai ta, Chyhsapa hry liata a pahrâna poh o a siesai haw.

HLAZY 78:66

A khakhaipazy hnôh pasysa ta, Chhâzaw ta nozapa ta a tao ha ei.

ZEREMIAH 26:6

he o he Silô hawhta tao aw na ta, he khihpi he alei chô liata phopi zydua châta chhiesana ta ei tao aw.’”

ZEREMIAH 26:9

Khazia Abeipa moh ta hrohsona bie phuah chi ta, ‘He o he Silô hawhta châ aw ta, he khihpi he roryhrapa ta ypa ta, a chhôh liata a pahrâpa y aw veih ei,’ na tah?” tah ei ta. Zawpi zydua ta Zere­miah cha Abeipa o liana cha chadô ei ta.

ZEREMIAH 41:5

Sekhe, Silô nata Samâri khihpizy tawhta chyhsa sychariezy cha, ama kâhhmizy ngyupa ta, ama chysiazy hriepa ta nata ama pôhpazy âpa ta vaw tlô ei ta. Abeipa Achhyna o liata hlâ awpa niepa hlânazy nata ropahâhpazy vaw phaoh ei ta.

MALUHREINA 32:22

Abeipa hmiakô liata râh nama la khai hlâlei namâ dyuh aw. Cha khai tawhta a vaw lie aw ei chi ta, Abeipa chô liata nata Izarei chô liata nama maophaohna nama chô liata y khao aw vei. Chatanachata he râh he Abeipa hmiakô liata nama ryuto râh a châ aw.

HMOTAOPAZY 7:45

Cha achhyna byureih cha miah pathlatuhpazy pathla pachhuahpazy chhao ta chhy lymâ ei ta. Khazohpa ta miah pathlatuhpazy hmiakô liata phopizy papua ta, Zawsua chhaota râh ama kei pahrâ nona khata a ngiakhei ei ta. Cha achhyna byureih cha Dâvi daihti taihta y ta.

ZAWSUA 18:2

Châhrasala Izarei sawzy hry liata ama ryuto râh rai mâh leipa chi sari y chy ei ta.

ZAWSUA 18:8

Chyhsazy cha thyu ei ta, sie ha ei ta. Râh thâtih ro awpa ta a siepazy hnohta Zawsua ta, “Râh cha va chahryh u la, a thâtih roh khai u la, kei lâta vaw tlôkhei heih muh vy. He Silô khih liana heta Abeipa hmiakô liata nuby ei châ daopa aw ei,” tahpa ta biepie ta.

ZAWSUA 19:51

Chazy cha theihthaipa Eliaza, Nunâ sawchapawpa Zawsua nata Izarei chizy liata pho pawhrâhpazy ta Silô khihpi liata ahmaohna poh o chhikao liata Abeipa hmiakô ta nuby a daopa ta ryuto râh ama raipazy a châ. Cha hawhna chata râh araina cha ama patlô haw.

ZAWSUA 21:2

Kâna râh Silô khihpi liata ama hnohta, “Eima pahrâ nawpa khihpizy nata eima sahroh tlaih nawpa ta a chaby râhzy miah pie awpa ta, Abeipa ta Mawsi hmâpa ta bie a vaw pie hapa kha châ ta,” tah ei ta.

ZAWSUA 22:12

Cha bie cha Izarei sawzy ta ama thei nahta, âmo a dyuh awpa ta Izarei zawpi zydua Silô khihpi liata a hmaohpakhy ei ta.

ZAWSUA 22:19

Râh nama topa a pathaih leipa khiahta cha, Abeipa achhyna byureih yna Abeipa râh lâ he vaw chaka u la, eima hry liata râh vaw hnei hra teh u. Anodeikua Abeipa eima Khazohpa maisâh dei leipa ta maisâh hropa taopa ta Abeipa namâ dyuh awpa châ leipa ta, keimo chhao miah namâ dyuh awpa châ vei.

ZAWSUA 22:9

Chatanachata Rubena pathlazy, Kâdâ pathlazy nata Manase chi khophiezy cha, Kâna râh Silô khihpi liata Izarei sawzy nata a chhaih ei ta, Abeipa ta Mawsi hmâpa ta bie a vaw piepa hawhta, Kilia râh liata ama ryuto râh lâ ama sie haw.

RYUREITUHPAZY 18:31

Chatanachata Mikâ taopa nothlahpa khaipa cha, Silô khih liata Khazohpa o a y chhôh zydua cha, cha liata a y lymâ.

RYUREITUHPAZY 21:12

Zabekilia mo hry liata laihsa kôpa, chapaw rai a zialâh mâh leipa nata a pahno mâh leipa 400 hmô ei ta, âmo cha Kâna râh liata Silô riehmo lâ a chhi ei ta.

RYUREITUHPAZY 21:19

Chavâta Izarei sawzy ta, “Pachâ teh u, Silô liata kô chareih ta Abeipa kyhchhi y tyh ta, he he Bethel maw lâta y ta, Bethel tawhta Sekhe lâ siena lâlai nochhi lâ daih liata Lebônah chho lâta a ypa a châ,” tah ei ta.

1 SAMUELA 1:24

Sâhpi a pathleih nahta, viahchao tôhpa kô thôhpa nata viahdie kachu hmo kha nata kresawhti ôh kha cheipa ta, hawtipa cha Silô liata Abeipa o lâ khykhei ta. Hawtipa cha hawti kaw chy ta.

1 SAMUELA 1:3

Cha chyhsa cha Pheisaihzy Abeipa a chhy awpa nata atheihna hlâ awpa ta ano khih tawhta Silô khih lâ kô chareih ta sie tyh ta. Eli sawchapawpa pano Hôphani nata Phinehâ zy cha Silô khih liata Abeipa theihthaipazy châ ei ta.