ZAWSUA 17:4 - Mara Bible RV (BSI)

⁴ Zelôphehâ sawchanôzy ta theihthaipa Eliaza nata Nunâ sawchapawpa Zawsua nata chhituhpazy lâ vawh ei ta, ama hnohta, “Eima rilâhpazy hry liata ryuto râh miah pie hra awpa ta Abeipa ta Mawsi kha bie a pie,” tah ei ta. Chatanachata Abeipa pakah bie hawhta, Zawsua ta âmo cha ama paw unawhzy hry liata ryuto râh a pie hra ei.

ZAWSUA 17:4 ပူးပေါင်းရင်းမြစ်များ

MALUHREINA 27:1

Zelôphehâ sawchanôzy a vy ei ta. Zelôphehâ cha Hepha sawchapawpa châ ta, Hepha cha Kilia sawchapawpa châ ta, Kilia cha Mâkhi sawchapawpa châ ta, Mâkhi cha Manase sawchapawpa châ ta, Manase cha Zawsi sawchapawpa a châ. Zelôphehâ sawchanôzy cha Mâhlâ, Noâh, Hôkalâ nata Tizah zy ama châ.

MALUHREINA 27:4

Sawchapaw a hnei leipa vâta, khazia eima paw moh cha a phoheihzy hry tawhta a lei aw? Eima paw unawhzy hry liata ryuto miah pie hra teh u,” tah ei ta.

MALUHREINA 36:10

Abeipa ta Mawsi bie a piepa hawhta, Zelôphehâ sawchanôzy ta tao ei ta,

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

ZAWSUA 14:1

Hezy he Izarei sawzy ta Kâna râh liata ryu ta ama topa râhzy a châ. Theihthaipa Eliaza, Nunâ sawchapawpa Zawsua nata Izarei chizy liata ama pho pawhrâhpazy ta, he râhzy he Izarei sawzy hnohta ama rai.

ZAWSUA 17:5

Chatanachata Zawdâh haosâ nochhi lâta Kilia nata Bâsanâ râhzy hleikhô ta, Manase cha ryuto râh su hrawh tlai to ta.

ZAWSUA 21:1

Livai chi chhôhkha pawhrâhpazy cha theihthaipa Eliaza nata Nunâ sawchapawpa Zawsua nata Izarei chizy liata ama pho pawhrâhpazy lâ vawh ei ta,