ZAWSUA 17:3 - Mara Bible RV (BSI)

³ Manase pathla Zelôphehâ deikua cha sawchapaw hnei leipa ta, sawchanô sai hnei ta, a sawchanôzy moh cha Mâhlâ, Noâh, Hôkalâ, Milkâ nata Tizah zy ama châ. Zelôphehâ paw cha Hepha châ ta, Hepha paw cha Kilia châ ta, Kilia paw cha Mâkhi châ ta, Mâkhi paw cha Manase a châ.

ZAWSUA 17:3 ပူးပေါင်းရင်းမြစ်များ

ÂTHAONA 50:23

Zawsi cha Epharai sawzy chhâ thôhna taihta hmô ta, Manase sawchapawpa Mâkhi sawzy chhao Zawsi byh chô liata a pihpa ama châ.

MALUHREINA 26:33

Hepha sawchapawpa Zelôphehâ cha sawchapaw hnei leipa ta, sawchanôzy deita hnei ta, Zelôphehâ sawchanôzy moh cha Mâhlâ, Noâh, Hôkalâ, Milkâ nata Tizah zy ama châ.

MALUHREINA 27:1

Zelôphehâ sawchanôzy a vy ei ta. Zelôphehâ cha Hepha sawchapawpa châ ta, Hepha cha Kilia sawchapawpa châ ta, Kilia cha Mâkhi sawchapawpa châ ta, Mâkhi cha Manase sawchapawpa châ ta, Manase cha Zawsi sawchapawpa a châ. Zelôphehâ sawchanôzy cha Mâhlâ, Noâh, Hôkalâ nata Tizah zy ama châ.

ZAWSUA 17:2

Manase pathla hropazy, Abieze pathlazy, Helekâ pathlazy, Asrie pathlazy, Sekhe pathlazy, Hepha pathlazy nata Semidâ pathlazy chhao a pho pho ta ryuto râh piepa ama châ hra. Âmo cha Zawsi sawchapawpa Manase pathla chapawzy a pho pho ta a laichadaipa ama châ.