ZAWSUA 17:1 - Mara Bible RV (BSI)

¹ Manase cha Zawsi sawchapaw uhtheipa a châpa vâta, hetana heta a tovyuh taopa a châ. Manase sawchapaw uhtheipa cha Mâkhi châ ta, Mâkhi cha Kilia paw a châ. Mâkhi cha pheisaih riahphapa a châpa vâta, Kilia nata Bâsanâ râh cha ano piepa a châ.

ZAWSUA 17:1 ပူးပေါင်းရင်းမြစ်များ

ÂTHAONA 41:51

Zawsi ta, “Khazohpa ta ei rairuna zydua nata ei paw o eina pamysa haw,” tah ta, a sawchapaw uhtheipa moh cha Manase a bi.

ÂTHAONA 41:52

“Khazohpa ta ei riethei taona râh liata ei chipathla a papôh haw,” tah ta, a panona moh cha Epharai a bi.

ÂTHAONA 46:20

Zawsi ta Izi râh liata sawchapaw pano, Manase nata Epharai sa ta, âmo cha Ôni khih theihthaipa Pawtipherâ sawchanô Asenâ ta Zawsi châta a sapazy ama châ.

ÂTHAONA 48:17

Zawsi cha a paw ta a chachâh lâ ku ta Epharai luh a chahnaopa a hmô nahta, a palôh châ khao leipa ta, a paw ku cha Epharai luh tawhta Manase luh lâta pasie awpa ta chalo ta.

ÂTHAONA 48:18

Zawsi ta a paw hnohta, “Ei pâ, kha hawhta châ vei, Manase he sawchapaw uhtheipa a châ, chavâta na ku chachâh lâ kha ano luh liata pahnieh mah y,” tah ta.

ÂTHAONA 50:23

Zawsi cha Epharai sawzy chhâ thôhna taihta hmô ta, Manase sawchapawpa Mâkhi sawzy chhao Zawsi byh chô liata a pihpa ama châ.

2 SAMUELA 2:9

Kilia chô liata zy, Asuri mo chô liata zy, Zezari chô liata zy, Epharai chô liata zy, Benzami chô liata nata Izarei zydua chô liata bei ta tao ta.

1 THÂTIHZYRONA 2:23

Châhrasala Kesu nata Aramia ta Kilia râh liata Havôzairâ nata Kenathâ khihpizy nata ama khichapeihzy, khih sycharu cha âmo tawhta la ei ta. Ama zydua heta Kilia paw Mâkhi pathlazy ama châ.

EZEKIA 47:13

“Abeipa Zehôvâh ta hetana heta a tah: He he Izarei chi hrawh hleinopazy châta ama ryuto râh ta na rai awpa râhri pachhaihnazie a châ. Zawsi ta vyuh no a to aw.

EZEKIA 48:4

“Manase ta râh kha to aw ta, nochhi tawhta notla lâta Nâthalai nata amâ ri aw.

MALUHREINA 26:29

Manase sawchapawpa Mâkhi tawhta Mâkhi pho vaw pua ei ta, Mâkhi ta Kilia sa ta, Kilia tawhta Kilia pho ama vaw pua.

MALUHREINA 27:1

Zelôphehâ sawchanôzy a vy ei ta. Zelôphehâ cha Hepha sawchapawpa châ ta, Hepha cha Kilia sawchapawpa châ ta, Kilia cha Mâkhi sawchapawpa châ ta, Mâkhi cha Manase sawchapawpa châ ta, Manase cha Zawsi sawchapawpa a châ. Zelôphehâ sawchanôzy cha Mâhlâ, Noâh, Hôkalâ nata Tizah zy ama châ.

MALUHREINA 32:33

Chatanachata Mawsi ta Kâdâ pathlazy, Rubena pathlazy nata Zawsi sawchapawpa Manase pathla khophiezy hnohta Amawri bei Sihaw khinarâh nata Bâsanâ bei Ôkâ khinarâhzy cha, a khihpizy, khihpi râhzy nata a chheipâh râh khihpizy chhaota a pie ei.

RYHPACHANEINA 21:17

A kho lei viapa sawchapawpa cha sawchapaw uhthei dopa châ ta, ano cha a pahno awpa a châ. A hneipa zydua tawhta tovyuh su thôh su no a pie aw. Ano cha a thatlôna thei hmiatuapa châ ta, sawchapaw uhthei châna tovyuh cha ano eih a châ.

ZAWSUA 17:2

Manase pathla hropazy, Abieze pathlazy, Helekâ pathlazy, Asrie pathlazy, Sekhe pathlazy, Hepha pathlazy nata Semidâ pathlazy chhao a pho pho ta ryuto râh piepa ama châ hra. Âmo cha Zawsi sawchapawpa Manase pathla chapawzy a pho pho ta a laichadaipa ama châ.

ZAWSUA 22:7

Manase chi khophie cha Mawsi ta Bâsanâ râh liata ryuto râh pie ta, chi khophie deikua cha Zawsua ta notla lâ Zawdâh haosâ liata ama unawhzy hry liata ryuto râh a pie ei. Ama o lâ a padisa chy ta Zawsua ta âmo cha byhnâ awpa ta,

RYUREITUHPAZY 5:14

“Amale liata thari a thlapa Epharai mo a zu ei ta, Hy Benzami, na chiheihzy ta ama cha pazi; Mâkhi tawhta ryureituhpazy a zu ei ta, Zebulawna tawhta pheisaih hyutuhpa chôchahrei a chabapazy amâ zu.