ZAWSUA 16:10 - Mara Bible RV (BSI)

¹⁰ Keze liata a pahrâpa Kâna mo deikua cha, papua veih ei. Chavâta Kâna mo cha tanoh taihta Epharai mo hry liata pahrâ ei ta, rai hriatuhpazy ta taopa ama châ.

ZAWSUA 16:10 ပူးပေါင်းရင်းမြစ်များ

1 ABEIZY 9:15

Bei Sawlawmaw ta rai hria awpa ta chyhsa a pathyu raruahna chhâpa cha, Abeipa o, ano o, diahsua, Zerusale thokhy, Hâzaw khihpi, Mekidô khihpi nata Keze khihpi zy padua awpa a byuhpa vâta a châ.

1 ABEIZY 9:16

Izi bei Phiraoh ta khy ta Keze khih la ta, mei ta rao ta, cha khihpi liata a ypa Kâna mo thie ta, khihpi cha a sawchanô, Sawlawmaw lapinô hnohta thyukhei châta a pie.

1 ABEIZY 9:21

cha liata ama pathla laibâhpa a ypa, Izarei sawzy ta ama pahleipadia khai thei leipazy cha, Sawlawmaw ta seizy ta tao ta, cha hawhna chata tanoh taihta ama y.

2 THÂTIHZYRONA 8:8

cha liata ama pathla laibâhpa a ypa, Izarei sawzy ta ama pahleipadia khai thei leipazy cha, Sawlawmaw ta raihriatuhpazy ta tao ta, cha hawhna chata tanoh taihta ama y.

ZAWSUA 10:33

Keze bei Hôrâ cha Lakhi khihpi bao awpa ta khy ta. Zawsua ta ano nata a sahlaozy cha pakha hmah pahlôh leipa ta thie khai ta.

ZAWSUA 15:63

Zerusale liata a pahrâpa Zebu mo deikua cha, Zudâh pathlazy ta papua thei veih ei. Chavâta Zebu mo cha tanoh taihta Zerusale liata Zudâh pathlazy nata hmaohkha ta ama pahrâ.

ZAWSUA 16:9

Chazy thota, Manase pathlazy ryuto râhzy hry tawhta Epharai pathlazy châta raopa khihpi nata ama khichapeih zydua â hlao.

ZAWSUA 17:12

Châhrasala Kâna mo ta cha râh liata pahrâ khâchâ amâ chhuah hapa vâta, cha khihpizy cha Manase pathlazy ta hnei thei veih ei.

ZAWSUA 17:13

Izarei sawzy ama tha a vaw tlô via nahta, Kâna mo cha raihriatuhpa ta tao ei ta, ama zydua ta papua khai khao veih ei.

RYUREITUHPAZY 1:29

Epharai pathlazy chhao, Keze khih liata a ypa Kâna mo papua veih ei. Chavâta Kâna mo cha ama hry liata Keze khih liata ama pahrâ lymâ hra.