ZAWSUA 15:8 - Mara Bible RV (BSI)

⁸ Cha tawhna chata râhri cha Hinô Sawchapawpa Saikao lâta khy ta, Zebu mo yna chho baikhaihpa taih tlô ta. Zebu he Zerusale a châ. Râhri cha Hinô notla lâta saikao kiapâh ta a ypa tlâh laki lâta khy ta. Cha cha Rephai maw lâta saikao chhâna a châ.

ZAWSUA 15:8 ပူးပေါင်းရင်းမြစ်များ

2 SAMUELA 5:18

Philistinâ mo cha a vy ei ta, Rephai saikao liata a paziah ei ta.

2 SAMUELA 5:22

Philistinâ mo cha a khy heih ei ta, Rephai saikao liata a paziah heih ei ta.

2 ABEIZY 23:10

Chatawhcha ahy hmahta ama sawchapaw tlyma, ama sawchanô tlyma, Môleka atheihna châta ama hlâ khao lei nawpa ta, Hinô Sawchapawpa Saikao ama tahpa liata Tôphe chhao a parao haw.

1 THÂTIHZYRONA 11:4

Chatawhcha Dâvi nata Izarei saw zydua cha Zerusale lâ sie ei ta. Zerusale cha Zebu tah tyhpa châ ta, a râh liata a pahrâpa Zebu mo pahrâna khihpi a châ.

2 THÂTIHZYRONA 28:3

Hinô Sawchapawpa Saikao liata atheihnazy hlâ ta, Abeipa ta Izarei phopi hmiakô liata a papua hapa phopizy ta pasichhihpa ama taopazy tao hra ta, a sawchapawzy mei ta raopa ta atheihna ta hlâ ta.

NEHEMIAH 11:30

Zanôh nata Adulâ nata ama khichapeihzy, Lakhi nata ama lyuzy nata Azekâ nata a khichapeihzy liata pahrâ ei ta, Besebâ tawhta Hinô saikao taihta riehmozy ama paryh.

ISAI 17:5

Sâh hriatuhpa ta sapiahzy pahmaoh ta, A ku ta sâh suhzy a thliepa hawhta châ aw ta, Chyhsa ta Rephai Saikao liata Sâh suhzy kâmo a thohpa hawhta a châ aw.

ZEREMIAH 19:14

Chatawhcha Zeremiah cha Abeipa ta hrohsona bie phuah awpa ta a tuana su Tôphe tawhta a vy ta, Abeipa o dôhpachhôh tlyhmia liata a duah ta, zawpi zydua hnohta hetana heta tah ta:

ZEREMIAH 19:2

Hârâsi Chhikao angiana kiah liata Hinô Sawchapawpa Saikao lâ sie la, cha liata na hnohta bie ei cha chhopa he kei phuah mah y.

ZEREMIAH 19:6

Chavâta moh teh u, nohzy a vaw tlo hai, Abeipa ta a tah. Cha nohzy liata cha, he su he Tôphe tahpa châ khao leipa aw ta, Hinô Sawchapawpa Saikao tahpa châ khao hra aw vei. Thiena Saikao tahpa tlao a châ ha aw.

ZAWSUA 15:63

Zerusale liata a pahrâpa Zebu mo deikua cha, Zudâh pathlazy ta papua thei veih ei. Chavâta Zebu mo cha tanoh taihta Zerusale liata Zudâh pathlazy nata hmaohkha ta ama pahrâ.

ZAWSUA 18:16

Cha tawhna chata râhri cha Hinô Sawchapawpa Saikao dady ta a ypa tlâh thaby lâta chô ta. Cha tlâh cha Rephai Saikao maw lâta a ypa a châ. Râhri cha Zebu mo khihpi chho baikhaihpa chapiapa ta Hinô Saikao lâta chô ta, Erôke liata a pua.

ZAWSUA 18:28

Zelâ, Helepha, Zebu khihpizy chhao amâ hlao. Zebu cha Zerusale a châ. Kiria­ziari nata Kibi khihpizy chhao a hlao ei ta, khihpi miahrawh hleipalih y ta, khichapeihzy ama hnei. Chazy cha Benzami pathlazy ta a pho pho ta ama to awpa ryuto râh a châ.

RYUREITUHPAZY 1:21

Benzami pathlazy deikua, Zerusale khih liata a pahrâpa Zebu mo papua veih ei. Chavâta Zebu mo cha tanoh taihta Zerusale liata Benzami pathlazy nata hmaohkha ta ama pahrâ lymâ.

RYUREITUHPAZY 1:8

Zudâh pathlazy ta Zerusale a dyuh ei ta, la ei ta, zaozi ta chhawhsao ei ta, khihpi cha mei ta rao ei ta.

RYUREITUHPAZY 19:10

Châhrasala Livai chyhsa cha a rie khoh khao leipa ta, thyu ta, sie ta, Zebu khih dady kei tlô ta. Cha cha Zerusale khih a châ. Alâ pô no, ky padia chiehpa a chhi ta, a nôtho chhao cha a hnohta sie hra ta.