ZAWSUA 14:1 - Mara Bible RV (BSI)

¹ Hezy he Izarei sawzy ta Kâna râh liata ryu ta ama topa râhzy a châ. Theihthaipa Eliaza, Nunâ sawchapawpa Zawsua nata Izarei chizy liata ama pho pawhrâhpazy ta, he râhzy he Izarei sawzy hnohta ama rai.

ZAWSUA 14:1 ပူးပေါင်းရင်းမြစ်များ

EZRÂ 7:5

Buki cha Abisua sawchapawpa châ ta, Abisua cha Phinehâ sawchapawpa châ ta, Phinehâ cha Eliaza sawchapawpa châ ta, Eliaza cha theihthai beichaipa Arawna sawchapawpa a châ.

EZEKIA 45:1

“Ryuto châta râh namâ rai tita, râh su kha cha Abeipa châta râh pathaihpa châta nama panano awpa a châ. A doh lâ dy 25,000, a hâ lâ dy 20,000 châ aw ta, a zydua ta râh pathaih­pa a châ aw.

MALUHREINA 34:13

Mawsi ta Izarei sawzy biepie ta, ama hnohta, “Cha râh cha Abeipa ta chi chaki nata chi khophiepa pie awpa ta bie a piepa, nuby a daopa ta nama to awpa ryuto râh a châ.

MALUHREINA 34:16

Abeipa ta Mawsi hnohta,

HMOTAOPAZY 13:19

Kâna râh liata phopi mia sari a panawh khai tawhta, Kâna mo râh cha ama ryuto râh châta a pie ei.

RYHPACHANEINA 12:10

Châhrasala Zawdâh chaka aw ei chi ta, Abeipa nama Khazohpa ta ryuto châta râh a cha piepa liata nama pahrâ tita, nama chheipâh liata nama chariahpa zydua tawhta cha pahâsa aw ei ta, â bohpa ta nama y aw.

ZAWSUA 13:6

Lebanaw tawhta Misrephôthamâ taihta tlâh râh liata a pahrâpa zydua nata Sidaw râh zydua cha, la mâh leipa râhzy a châ. Âmo cha Izarei sawzy hmiakô tawhta papua aw ei na ta, bie ei cha piepa hawhta, ama râhzy cha Izarei sawzy ryuto châta na rai aw ei.

ZAWSUA 19:51

Chazy cha theihthaipa Eliaza, Nunâ sawchapawpa Zawsua nata Izarei chizy liata pho pawhrâhpazy ta Silô khihpi liata ahmaohna poh o chhikao liata Abeipa hmiakô ta nuby a daopa ta ryuto râh ama raipazy a châ. Cha hawhna chata râh araina cha ama patlô haw.

ZAWSUA 21:1

Livai chi chhôhkha pawhrâhpazy cha theihthaipa Eliaza nata Nunâ sawchapawpa Zawsua nata Izarei chizy liata ama pho pawhrâhpazy lâ vawh ei ta,