ZAWSUA 13:31 - Mara Bible RV (BSI)

³¹ Kilia râh khophie nata Bâsanâ bei Ôkâ khinarâh liata Astarô nata Edarei chhao âmo râh ta a ô. Chazy cha Manase sawchapawpa Mâkhi pathla khophiezy hnohta a pho pho ta ama ryuto châta piepa râhzy a châ.

ZAWSUA 13:31 ပူးပေါင်းရင်းမြစ်များ

1 THÂTIHZYRONA 6:71

Kesao pathlazy hnohta piepa khihpizy cha, Manase chi khophie ryuto râh Bâsanâ liata Kôlâ nata a chheipâh si panyuna suzy, Astarô nata a chheipâh si panyuna suzy;

HLAZY 60:7

Kilia cha kei eih châ ta, Manase chhao kei eih a châ; Epharai cha ei lakhu châ ta, Zudâh cha ei ryureina chôchahrei a châ.

EZEKIA 48:4

“Manase ta râh kha to aw ta, nochhi tawhta notla lâta Nâthalai nata amâ ri aw.

ZAWSUA 12:4

Izarei sawzy ta Bâsanâ bei Ôkâ chhao pahnie ei ta. Bâsanâ mo cha Rephai chi laibâhpazy châ ei ta, Astarô nata Edarei khihpizy liata a pahrâpa ama châ.

ZAWSUA 13:12

Bâsanâ liata Ôkâ khinarâh zydua; ano cha Astarô nata Edarei khihzy liata bei ta a ypa châ ta, Rephai chyhsa a y chhôpa a châ. Cha beizy cha Mawsi ta siehnao ta, a papua ha ei.

ZAWSUA 13:32

Chazy cha Mawsi ta Zawdâh haosâ Zerikô nochhi lâ Môabâ bypi liata ama y nota ryuto châta a raipa râhzy a châ.

ZAWSUA 17:5

Chatanachata Zawdâh haosâ nochhi lâta Kilia nata Bâsanâ râhzy hleikhô ta, Manase cha ryuto râh su hrawh tlai to ta.

ZAWSUA 17:6

A chhâpa cha Manase sawchanôzy ta a sawchapawzy hry liata ryuto râh ama hnei hrapa vâta a châ. Kilia râh cha Manase sawchapaw hropazy piepa a châ.

ZAWSUA 9:10

Zawdâh haosâ liata Amawri bei pano, Hesbaw bei Sihaw nata Astarô liata a ypa Bâsanâ bei Ôkâ chô liata a hmotaopa zydua eima thei.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 5:17

Kilia cha Zawdâh haosâ lâ y ta, Khazia Dânâ cha balyh liata a y thlâh haw? Asera cha tilaipi kiah liata a tyuh ta, A lihchakôpazy liata a pahrâ.

1 SAMUELA 12:10

Chatawhcha Abeipa awsao ei ta, a hnohta, ‘Eima vaw molei ha na, Abeipa a heihsai pi ta, Bâlâzy nata Astarôzy eima vaw chakao haw. Chatahrasala tahmâ eima chariahpazy ku tawhna heta miah pachha la, nâma eima cha chakao bâ aw,’ tah ei ta.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.