ZAWSUA 12:6 - Mara Bible RV (BSI)

⁶ Abeipa chakaotuhpa Mawsi nata Izarei sawzy ta âmo cha pahnie ei ta. Ama râhzy cha Abeipa chakaotuhpa Mawsi ta Rubena chi, Kâdâ chi nata Manase chi khophiezy hnohta ama ryuto châta a pie ei.

ZAWSUA 12:6 ပူးပေါင်းရင်းမြစ်များ

1 ABEIZY 4:19

Uri sawchapawpa Kebe ta Kilia râh, Amawri bei Sihaw râh nata Bâsanâ bei Ôkâ râh zy â vao. Cha râh liata ryureituhpa hropa pakha a y hra.

MALUHREINA 32:29

Mawsi ta ama hnohta, “Kâdâ pathla nata Rubena pathla, chariah chhaichhi a tobipa maih Abeipa hmiakô liata nama hnohta Zawdâh chaka hra aw ei ta, râh cha pahniepa a châ khiahta cha, Kilia râh he âmo ryuto châta nama pie aw.

MALUHREINA 32:32

Chariah chhaichhi a tobipa ta, Abeipa hmiakô liata Zawdâh cha chaka aw pi ta, Kâna râh liata eimâ ngia aw. Râh eima to awpa deikua cha Zawdâh hesâ lâ he a châ aw,” tahpa ta a chhy ei ta.

MALUHREINA 32:33

Chatanachata Mawsi ta Kâdâ pathlazy, Rubena pathlazy nata Zawsi sawchapawpa Manase pathla khophiezy hnohta Amawri bei Sihaw khinarâh nata Bâsanâ bei Ôkâ khinarâhzy cha, a khihpizy, khihpi râhzy nata a chheipâh râh khihpizy chhaota a pie ei.

ZAWSUA 14:3

Chi no nata khophiezy ryuto awpa râhzy cha Mawsi ta Zawdâh haosâ liata pie ha ta, Livai pathlazy deikua cha ama hry liata ryuto râh pie vei.

ZAWSUA 18:7

Livai chi deikua cha, Abeipa theihthaina raihria cha ama ryuto a châpa vâta, nama hry liata tovyuh hnei aw veih ei. Kâdâ, Rubena nata Manase chi khophie chhao Zawdâh haosâ nochhi lâ liata Abeipa chakaotuhpa Mawsi ta ama ryuto râh a vaw piepa kha ama to hra,” tah ta.

ZAWSUA 22:4

Abeipa nama Khazohpa ta ama hnohta bie â taihpa hawhta, nama unawhzy cha apahâna a pie ha ei hih. Chavâta Abeipa chakaotuhpa Mawsi ta nama ryuto châta râh a cha piepa ei, Zawdâh haosâ liata nama poh ozy lâ a di bâ teh u.