ZAWSUA 12:2 - Mara Bible RV (BSI)

² Hesbaw liata a pahrâpa Amawri bei Sihaw pahnie ei ta. Amawri bei Sihaw cha Anaw saikao chhâna liata a ypa Arôerâ khihpi tawhta ryu a reihpa châ ta, a râh cha Anaw saikao liah khophie taihta nata Kilia râh khophie nata Amawna mo râhri Zabaw chavah taihta a châ.

ZAWSUA 12:2 ပူးပေါင်းရင်းမြစ်များ

ÂTHAONA 32:22

Cha zâ ta thyu ta, a lapinô pano, a seichanô pano, a saw pahrawh hleikhazy a chhi ta, Zabaw tihra chakana liata haosâ kiah ha ta.

1 THÂTIHZYRONA 5:8

Azazi sawchapawpa Belâ zy ama châ. Azazi paw cha Semâ châ ta, Semâ paw cha Zôela châ ta, ano cha Arôerâ tawhta Nebô nata Bâlâmeô taihta a pahrâpa a châ.

NEHEMIAH 9:22

“Khinarâhzy nata phopizy âmo pie chi ta, râh chaki to taihta tovyuh na pie ei. Chatanachata Hesbaw bei Sihaw râh nata Bâsanâ bei Ôkâ râhzy ama hnei.

HLAZY 135:11

Amawri bei Sihaw, Bâsanâ bei Ôkâ nata Kâna bei zydua a thietuhpa kha Abeipa a châ.

ZEREMIAH 48:19

Hy Arôerâ khihsaw y, Lâpi kiah liata a duahpa ta moh la, Chapaw arâpa nata chanô abohpa zy hnohta, ‘Khâpa hmo ma a tlô tly?’ Tahpa ta hiahri teh.

RYHPACHANEINA 1:4

Cha biezy cha Hesbaw liata a pahrâpa Amawri bei Sihaw a pahnie tawhta nata Astarô nata Edarei liata a pahrâpa Bâsanâ bei Ôkâ a pahnie tawhta Mawsi ta a reipa biezy a châ.

RYUREITUHPAZY 11:13

Amawna bei ta Zephathâ lyuhchâpazy hnohta, “Izarei ta Izi râh tawhta a kaw pua no kha, Anaw tawhta Zabaw nata Zawdâh taihta ei râh na chhu ta, chavâta tahmâ a pha kawpa ta na vaw pie heih teh,” tah ta.

RYUREITUHPAZY 11:22

Cha hawhna chata Amawri mo râh zydua, Anaw tawhta Zabaw taihta nata râhchawhpa tawhta Zawdâh taihta ama hnei khai hapa a châ.